رُومِيَه 5:11 - كِتاب العَهد الجَّديد مِن الكِتاب المُقَدَّس

¹¹ و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

رُومِيَه 5:11 Referans Kwoze

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

فيلِبّي 4:4

أفرَحو في الرَّب كُلّو وَكِت. و بَقول مَرَّه تانيَه، أفرَحو.

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

كُولُوسِّي 2:6

عَلَشان كِدا، زي ما قِبِلتو المَسيح يَسُوع الرَّب، عيشو فيهو،

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

فيلِبّي 3:1

في الآخِر، يا أخوان، أفرَحو في الرَّب. كِتابَة الحاجات دي ما صَعبَه عَلي، لَكِن عَشان تَحفَظكُم.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

١ كُورِنْثُوس 10:16

كُبّايَة البَرَكَه البيها نَبارِك، ما هي شَرِكَة دَم المَسيح؟ العيش النَّكَسِّرو، ما هو شَرِكَة جِسِم المَسيح؟

رُومِيَه 11:15

عَشان بِالرَّفَض بِتاعُم، النّاس في الدُّنيا بِقو مُصالِحين مَعَ الله. عَلى كِدا، قُبولُم بِكون شِنو إلّا حَياة مِن بين المَيِّتين؟

رُومِيَه 2:17

و شوف إنتَ بِتسَمّي نَفسَك يَهودي، و مِتَّكِل عَلى القانون و إنتَ بِقيت مِتكَبِّر و تَقول إنتَ تَعرِف الله.

يُوحَنَّا 1:12

و لَكِن القِبلوهو، هو أدّاهُم سُلطَه عَشان يَبقو أولاد الله، يَعني النّاس البِآمِنو بِإسمو.

لُوقَا 1:46

و مَرْيَم قالَت: ”بِنَفسي أحمَد الرَّب.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 5:3

و فوق دا، نَفرَح كَمان في أتعاب، عَشان بِنَعرِف التَّعب يَجيب الصَّبر.

رُومِيَه 8:23

و مُش دا بَس، لَكِن نِحنا كَمان، العِندَنا أوَّل ثِمار الرّوح، نِحنا نَبكي في نُفوسنا مُنتَظِرين لِلَّه اليَعمِلنا أولادو، يَعني فِداء أجسامنا.

رُومِيَه 9:10

و مُش دا بَس، لَكِن رِفقَه كَمان حِملَت مِن واحِد، و هو إِسْحَاق، أبونا.

٢ كُورِنْثُوس 8:19

و مُش دا بَس، لَكِن هو كان مُختار بِالكَنايس عَشان يَسافِر مَعانا فِشان النِّعمَه دي، النَخدِما لِمَجد الرَّب نَفسو. و بِدا نَوَرّيهُم نِحنا عاوِزين نَساعِد.