رُومِيَه 2:26 - كِتاب العَهد الجَّديد مِن الكِتاب المُقَدَّس

²⁶ إذا كان الما مُطَهَّر بِحفَظ القانون، و لَو هو ما مُطَهَّر، ما يَحسِبو ليهو زي الطَّهور؟

رُومِيَه 2:26 Referans Kwoze

كُولُوسِّي 2:11

و فيهو طَهَّروكُم بِطَهور مُش مَعمول بِإيد النّاس. بِطَهور المَسيح، بِقيتو حُرّين مِن طَبيعَة الخَطيَّه بِتاعَتكُم.

رُومِيَه 8:4

الله عَمَل دا عَلَشان تَتِم فينا الواجِبات الطَّيبَه بِتاعَت القانون، نِحنا الما ماشين بِحَسَب الجِّسِم، لَكِن بِحَسَب الرّوح.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

أفَسُس 2:11

عَلَشان كِدا، إتزَكَّرو إنتو كُنتو مِن قُبّال مِن الأُمَم حَسَب الجِّسِم. و اليَسَمّوهُم مُطَهَّرين بِدا المَعمول في الجِّسِم بِالإيدين، هُم يَسَمّوكُم ما مُطَهَّرين.

رُومِيَه 3:30

عَلَشان الله واحِد. و هو يَبَرِّر المُطَهَّر بِالإيمان و الما مُطَهَّر بِالإيمان.

مَتَّى 15:28

بَعدين يَسُوع رَدَّ عَليها و قال: ”يا سِت، إيمانِك عَظيم. خَليهو بِكون ليكي زي ما إنتي عاوزَه.“ و بِتّا بِقَت تَمام مِن السّاعَه ديك.

رُومِيَه 2:25

الطَّهور عِندو فايدَه إذا حَفَظتو القانون. و لَكِن إن كَسَّرتَ القانون، طَهورَك بِقى ما طَهور.

رُومِيَه 2:27

و الما مُطَهَّر دا بِطَبيعَه، لَمّا يَحفَظ القانون، بِيَحكُم عَليك. و إنتَ عِندَك القانون المَكتوب و الطَّهور، لَكِن تَكسِّر القانون.

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.