رُومِيَه 2:14 - كِتاب العَهد الجَّديد مِن الكِتاب المُقَدَّس

¹⁴ لَمّا الأُمَم الما عِندَهُم قانون يَعمِلو بِالطَّبيعَه الواجِب في القانون، هُم قانون لِنُفوسُم، و لَو ما عِندَهُم قانون.

رُومِيَه 2:14 Referans Kwoze

رُومِيَه 2:12

عَشان كُل البيَعمِلو خَطيَّه بِدون القانون، بِدون القانون بِموتو. و كُل البيَعمِلو خَطيَّه بِالقانون، بِالقانون بِحكُموهُم.

رُومِيَه 2:27

و الما مُطَهَّر دا بِطَبيعَه، لَمّا يَحفَظ القانون، بِيَحكُم عَليك. و إنتَ عِندَك القانون المَكتوب و الطَّهور، لَكِن تَكسِّر القانون.

أفَسُس 2:12

عَشان إنتو كُنتو في الوَكِت داك بِدون المَسيح، غَريبين عَن أهل إِسْرَائِيل، غَريبين عَن إتِّفاقات الوَعَد، بِدون رَجاء و بِدون الله في الدُّنيا.

أعمال الرُّسُل 17:30

و الله، في الزَّمَن الفات، مَرَّه عَليهُم، عَشان ما في مَعرِفَه. لَكِن هَسَّع هو يأمُر كُل النّاس في كُلّو مَحَل أن يَتوبو.

أعمال الرُّسُل 10:35

لَكِن في كُلّو أُمَّه، الزّول البِخاف مِنّو و بيَعمِل البِر، هو مَقبول عِندو.

رُومِيَه 1:32

هُم يَعرِفو حُكم الله إنّو البِعمِلو الحاجات زي دي يِستَحِقّو الموت. لَكِن يِستَمِرّو يَعمِلوها و يَقبَلو النّاس اليَعمِلوها.

١ كُورِنْثُوس 11:14

الطَّبيعَه نَفسا ما تَعَلِّمكُم؟ إذا كان الرّاجِل عِندو شَعر طَويل، دا عيب ليهو.

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

أعمال الرُّسُل 14:16

و في الزَّمَن الفات، هو خَلّى كُل الأُمَم يَمشو في طُرُقُم.

رُومِيَه 2:15

و هُم بِوَرّو إنّو عَمَل القانون مَكتوب في قُلوبُم. و ضَميرُم كَمان يَشهَد، و أفكارُم يَشتَكو ولّا يِمكِن يَعمِلو عُذر لِنُفوسُم.

١ كُورِنْثُوس 9:21

و لِلنّاس البِدون قانون بِقيت زي ما أنا بِدون قانون. لَكِن أنا مُش بِدون قانون لِلَّه، لَكِن أنا تِحِت قانون لِلمَسيح عَشان أربَح ديل البِدون قانون.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.