Biblia Todo Logo
Bib sou entènèt

- Piblisite -




رُومِيَه 2:1 - كِتاب العَهد الجَّديد مِن الكِتاب المُقَدَّس

1 عَلَشان كِدا، إنتَ بِدون عُذر، يا الزّول البِتَحكُم عَلى واحِد تاني. عَشان وَكِت ما تَحكُم عَلى التّاني، تَحكُم عَلى نَفسَك. عَلَشان إنتَ البِتَحكُم، بِتَعمِل الحاجات دي زاتا.

Gade chapit la Kopi




رُومِيَه 2:1
20 Referans Kwoze  

و ما تَحكُمو عَلى زول، عَشان إنتو ما بِتكونو مَحكومين. ما تَلَوِّمو، عَشان ما بِتكونو مَلَوِّمين. أغفِرو، و يِتغَفَر ليكُم.


لَكِن إنتَ، يا زول، تَعمِل زات الحاجات، و تَحكُم عَلى البيَعمِل زَيَك! تَفتَكِر إنتَ بِتَقدَر تَجري مِن دينونَة الله؟


و لَكِن مِنو إنتَ، يا زول، حَتّى تَرُد عَلى الله كِدا؟ البُرمَه بِتقول ليهو العَمَلا: ”لِشِنو عَمَلتَني كِدا؟“


يا أخوان، ما تِتكَلَّمو الشَّر بَعضَكُم بَعض. البِتكَلَّم الشَّر عَلى أخوهو ولّا يَحكُم عَلى أخوهو، يتكَلَّم ضِد القانون، و يَحكُم عَلي القانون. و إذا تَحكُم عَلى القانون، إنتَ ما عامِل بِالقانون، لَكِن إنتَ قاضي ليهو.


لَكِن يا الإنسان الغَشيم، إنتَ داير تَعرِف، أن الإيمان بِدون الأعمال ما ليهو فايدَه؟


و هو قال ليهو: مِن خَشمَك أحكُم عَليك، يا الخَدّام البَطّال. عِرِفتَ أنا زول شَديد، باخُد الما حَقّي، و بَلِم الما زَرَعتو.


كيف بِتَعرِفي، يا مَرَه، إذا كان تَخَلِّصي راجِلِك. ولّا كيف بِتَعرِف، يا راجِل، إن كان تَخَلِّص مَرَتَك؟


و قال ليهو: ”يا راجِل، مِنو عَمَلني قاضي عَليكُم عَشان أقَسِّم ليكُم؟“


و بِنَعرِف دينونَه الله عَلى ديل البيَعمِلو زي الحاجات دي. و دينونَتو حَسَب الحَق.


بَعدين شِنو؟ نِحنا اليَهود أحسَن؟ مُش مُمكِن أبَداً! عَشانّا وَرينا أن اليَهود و ناس إغريقيين كُلَّهُم تِحِت الخَطيَّه.


الإيمان العِندَك في خُصوص الحاجات دي، خَليهو يَكون بين نَفسَك و بين الله. مُبارَك الزّول الما بِحكُم عَلى نَفسو في الفِكر الهو بِصَدِّق عَليهو.


فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.


Swiv nou:

Piblisite


Piblisite