رُومِيَه 16:7 - كِتاب العَهد الجَّديد مِن الكِتاب المُقَدَّس

⁷ سَلِّمو عَلى أَنْدَرُونِيكُوس و وَيُونِيَاس مِن أهل بيتي، المَحبوسين مَعاي. هُم مَعروفين بين الرُّسُل، و هُم كانو في المَسيح قُبّالي.

رُومِيَه 16:7 Referans Kwoze

رُومِيَه 16:21

يَسَلِّمو عَليكُم تِيمُوثَاوُس المِشتَغِل مَعاي، و لوكيوس و ياسون و سُسِبَترُس مِن أهل بيتي.

رُومِيَه 16:11

سَلِّمو عَلى هِيرُودِيُون، واحِد مِن أهل بيتي. سَلِّمو عَليهُم المِن أهل نَرْكِيسُوس الهُم في الرَّب.

فِلِيمُون 1:23

أَبَفْرَاس المَحبوس مَعاي في المَسيح يَسُوع يَسَلِّم عَليك.

كُولُوسِّي 4:10

وَأَرِسْتَرْخُس، المَحبوس مَعاي، يَسَلِّم عَليكُم، و مَرْقُس كَمان و هو إبن أُخُت بَرْنَابَا. و إنتو قِبِلتو أوامِر عَنّو، و إذا جا ليكُم، أقبَلوهو.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

غَلَاطِيَّه 1:22

و ما كُنتَ مَعروف بِالوَش قِدّام كَنايس اليَهُودِيَّه الفي المَسيح.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

١ يُوحَنَّا 4:13

بِدا بِنَعرِف نِحنا نَعيش فيهو و هو فينا، عَشان هو أدّانا مِن روحو.

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

رُومِيَه 9:3

عَشان انا كُنتَ بَدور أكون أنا نَفسي مَلعون و مَقطوع عَن المَسيح عَشان خاطِر أخواني، جِنسي حَسَب الجِّسِم،

رُومِيَه 16:3

سَلِّمو عَلى بِرِيسْكِلا و أَكِيلَا المِشتَغِلين مَعاي في المَسيح يَسُوع،

رُومِيَه 16:6

سَلِّمو عَلى مَرْيَم التِّعِبَت كَتير فِشانكُم.

رُومِيَه 16:8

سَلِّمو عَلى أَمْبِلْيَاس، حَبيبي في الرَّب.

رُومِيَه 16:9

سَلِّمو عَلى أُورْبَانُوس، المِشتَغِل مَعانا في المَسيح و عَلى إستاخيس، حَبيبي.

رُومِيَه 16:10

سَلِّمو عَلى أَبُلِّس، المَقبول في المَسيح. سَلِّمو عَليهُم المِن أهل أَرِسْتُوبُولُوس.

٢ كُورِنْثُوس 12:2

بَعرِف راجِل في المَسيح قُبّال أربعتاشر سَنَه، مَسَكوهو و أخَدوهو لِلسَّما التّالتَه. إذا هو كان في الجِّسم ولّا بَرَّه مِن الجِّسم، أنا ما بَعرِف، الله بِيَعرِف.