رُومِيَه 14:18 - كِتاب العَهد الجَّديد مِن الكِتاب المُقَدَّس

¹⁸ عَشان البِخدِم المَسيح كِدا، هو يَبسِط الله و يَكون مَقبول بِالنّاس.

رُومِيَه 14:18 Referans Kwoze

٢ كُورِنْثُوس 8:21

و نَفتَكِّر مِن قُبّال عَشان نَعمِل الحاجَه الكوَيسَه، مُش قِدّام الله بَس لَكِن قِدّام النّاس كَمان.

١ بُطْرُس 2:20

لَكِن كيف بِكون حَمد ليكُم إذا يَضرُبوكُم و إنتو عامِلين الشَّر، و تَصبُرو؟ و لَكِن إذا تِتوَجَّعو و إنتو عامِلين الخير، و تَصبُرو، دا مَقبول قِدّام الله.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

٢ كُورِنْثُوس 5:11

و ما دام بِنَعرِف خوف الرَّب، نَجَرِّب أن نَربَح النّاس. و نِحنا بَايِنين لِلَّه، و عِندي رَجاء بِقينا بَايِنين في ضَميركُم كَمان.

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ تِيمُوثَاوُس 5:4

لَكِن إذا أرمَلَه عِندَها أولاد ولّا أولاد أولادا، خَليهُم يِتعَلَّمو في الأوَّل أن يَحتَرِمو أهل بيتُم و يَرَجِّعو خير والِدينُم ليهُم. عَلَشان دا مَقبول قِدّام الله.

١ تِيمُوثَاوُس 2:3

عَشان دا كوَيس و مَقبول قِدّام الله مُخَلِّصنا.

كُولُوسِّي 3:24

عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

١ كُورِنْثُوس 7:22

عَشان الناداهو الرَّب و هو عَبد، هو بِقى حُر في الرَّب. و كِدا كَمان الكان حُر لَمّا الرَّب ناداهو، هو عَبد لِلمَسيح.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

رُومِيَه 14:4

مِنو إنتَ حَتّى تَحكُم عَلى خَدّام واحِد تاني؟ عَشانو لِسيدو يَقيف ولّا يَقَع. و هو بِقيف، عَشان الرَّب قادِر يَثَبِّتو.

رُومِيَه 12:11

ما تَكونو كَسلانين في الشُّغل. كونو حارّين في الرّوح. أخدِمو الرَّب.

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

أعمال الرُّسُل 10:35

لَكِن في كُلّو أُمَّه، الزّول البِخاف مِنّو و بيَعمِل البِر، هو مَقبول عِندو.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

مَرْقُس 13:34

هو زي زول مِسافِر. لَمّا يَسيب بيتو، يَدّي لِخَدّامينو السُّلطَه، لِكُلّو واحِد في شُغلو. و يأمُر البَوّاب أن يَحرَس.

٢ كُورِنْثُوس 5:9

عَلَشان كِدا فوق كُلّو شي، نِحنا عاوزين نَبسِطو إذا نِستَنّا في بيتنا هِنا ولّا نَمشي نَكون مَع الرَب.

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.