رُومِيَه 13:12 - كِتاب العَهد الجَّديد مِن الكِتاب المُقَدَّس

¹² اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

رُومِيَه 13:12 Referans Kwoze

أفَسُس 5:11

و ما تَكون ليكُم شَرِكَه مَعَ أعمال الضُّلُمَّه الما عِندَهُم ثِمار، لَكِن وَبِّخوها.

٢ كُورِنْثُوس 6:7

بِكَلام الحَق، بِقوَّة الله، بِأسلِحَة البِر عَن اليَمين و عَن الشِّمال.

يَعْقُوب 1:21

عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

رُومِيَه 13:14

لَكِن ألبَسو الرَّب يَسُوع المَسيح، و ما تَفَكِّرو في الجِّسِم عَشان تَكَمِّل شَهوَتو.

رؤيا 22:10

و هو قال لَي: ”ما تَخُت خِتِم عَلى كِلمات نُبُوَّة الكِتاب دا، عَلَشان الوَكِت قَريب.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

رؤيا 1:3

مُبارَك هو البِقرا و هُم البِسمَعو كِلمات النُّبوَّه دي، و يَحفَظو الحاجات المَكتوبَه فيها. عَشان الوَكِت قَريب.

١ كُورِنْثُوس 7:29

يَعني، الوَكِت بِقى قِصَير، يا أخوان. مِن هَسَّع، خَلّو العِندَهُم نِسوان يَكونو زي الما عِندَهُم،

١ كُورِنْثُوس 10:11

و كُل الحاجات دي حَصَلَت ليهُم زي مَثَل، لَكِن كانَت مَكتوبَه عَشان يَحَذِّرونا. عَشان نِحنا بِنعيش في الوَكِت لَمّا آخِر الزَّمَن قَرَّب.

٢ كُورِنْثُوس 10:4

عَشان أسلِحَة حَربنا مُش مِن الجِّسم لَكِن قَوّيَّه بِالله عَشان يَكَسِّر البِنايات الشَّديدَه.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

عِبرانيين 10:25

و ما نَسيب إجتِماعنا سَوا زي ما بَعض مِن النّاس عِندَهُم عادَه. لَكِن خَلّونا نَشَجِّع بَعَضَنا بَعض و بِالزِّيادَه بِقَدُر ما تَشوفو اليوم يَقَرِّب.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

يَعْقُوب 5:8

إنتو كَمان أصبُرو. كونو ثابتين في قُلوبكُم، فِشان الرَّب بِجي قَريب.

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

٢ بُطْرُس 3:9

و الرَّب ما مِتأخِّر بِوَعدو زي ما بَعض مِن النّاس يَفتَكِرو. لَكِن هو عِندو صَبر عَليكُم، و ما عاوِز واحِد يَموت، لَكِن عاوِز الكُل يَجو لِلتّوبَه.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.