رُومِيَه 12:8 - كِتاب العَهد الجَّديد مِن الكِتاب المُقَدَّس

⁸ إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

رُومِيَه 12:8 Referans Kwoze

٢ كُورِنْثُوس 9:7

و خَلّي كُلّو واحِد يَدّي زي ما إختار في قَلبو، مُش بِحُزن ولّا عَشان هو لازِم يَدّي، عَشان الله بِحِب البِدّي بِفَرَح.

١ تِيمُوثَاوُس 5:17

الشُّيوخ البِقودو كوَيس أحسِبوهُم مُستَحِقّين لِإحتِرام مَرَّتين، و بِالأكتَر البِتعَبو في الكِلمَه و التَعليم.

١ كُورِنْثُوس 12:28

و الله خَتَّ في الكَنيسَه، الأوَّل رُسُل، التّاني أنبياء، التّالِت مُعَلِّمين، بَعدين عامِلين عَجايِب، بَعَد دا هَدايا الشِّفا، مُساعَدات، تَرتيبات، و أنواع اللُّغات.

عِبرانيين 13:17

طيعو رؤساكُم و كونو تِحِت سُلطَتُم. عَلَشانُم يَحرَسو عَلى نُفوسكُم زي ديل البِدّو حِساب. طيعوهُم عَلَشان شُغلُم بِكون بِفَرَح، مُش بِحُزن. عَشان إذا بِحُزن، ما في فايدَه ليكُم.

أعمال الرُّسُل 15:32

و يَهُوذَا و سِيلَا، و هُم كَمان كانو أنبياء، بِشَّرو الأخوان بِكَلام كَتير، و شَدَّدوهُم.

أعمال الرُّسُل 13:15

و بَعَد قِرايَة القانون و الأنبياء، رؤساء بيت الرَّب رَسَّلو ليهُم يَقولو: ”يا أخوان، إذا كان عِندَكُم كِلمَة الشَّجاعَه لِلنّاس، قُولوهو.“

عِبرانيين 13:24

سَلِّمو عَلى كُلّو رؤساكُم و عَلى كُل القِدِّسين. و هُم المِن إيطاليَا يَسَلِّمو عَليكُم.

عِبرانيين 13:22

بَسألكُم، يا أخوان، تِتحَمَّلو كِلمَة الشَّجاعَه، عَلَشان كَتَبتَ ليكُم جَواب صَغَيِر.

عِبرانيين 13:7

إتزَكَّرو رؤساكُم الكَلَّموكُم بِكِلمَة الله. فَكِّرو في ثِمار حَياتُم، و خَلّو إيمانكُم يَكون زي إيمانُم.

عِبرانيين 10:25

و ما نَسيب إجتِماعنا سَوا زي ما بَعض مِن النّاس عِندَهُم عادَه. لَكِن خَلّونا نَشَجِّع بَعَضَنا بَعض و بِالزِّيادَه بِقَدُر ما تَشوفو اليوم يَقَرِّب.

٢ كُورِنْثُوس 8:12

و إذا الغيرَه في، الله يَقبَل الهَدِيَّه زي الزّول عِندو، و مُش زي الما عِندو.

١ كُورِنْثُوس 14:3

لَكِن البِتنَبّا، يَكَلِم النّاس عَشان مُساعَدَتُم، و البِشارَه، و التَّعزيَه.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 20:2

و لَمّا سافَر في المَحَلّات ديك و بَشَّرُم كَتير عَشان يَدّيهو شَجاعَه، هو جا لِبَلَد ناس إغريقيين.

١ تِيمُوثَاوُس 4:13

لِغايَة ما بَجي، خَلّي بالَك لِلقِرايَه، و بَشِّر و عَلِّم.

١ تَسَالُونِيكِي 2:8

كِدا، عَشان مَحَبَّتنا ليكُم، كُنّا رَضيانين نَدّيكُم مُش إنجيل الله بَس، و لَكِن نُفوسنا كَمان، عَشانكُم بِقيتو مَحبوبين لينا.

١ تَسَالُونِيكِي 2:3

أدّيناكُم الشَّجاعَه، و دا ما جا مِن غَلَط، ولّا مِن فِكر وَسخان، ولّا بِغِش.

كُولُوسِّي 3:22

يا خَدّامين، طيعو أسيادكُم حَسَب الجِّسِم في كُلّو حاجَه. و أعمِلو كِدا مُش لَمّا هُم يَعاينو ليكُم بَس عَشان تَبسِطوهُم. لَكِن إشتَغِلو بِإخلاص القَلِب و مِن خوف لِلرَّب.

أفَسُس 6:5

يا خَدّامين، طيعو أسيادكُم حَسَب الجِّسِم بِإحتِرام و خوف، و إخلاص القَلِب، زي لِلمَسيح.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

٢ كُورِنْثُوس 9:11

و بِتكونو غَنيين في كُلّو حاجَه عَلَشان تَقدَرو تَدّو هَدايا كَريمَه. و دا يَعمِل بِواسطَتنا الشُّكر لِلَّه.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

رُومِيَه 13:6

عَشان بِالسَّبَب دا، إنتو تَدفَعو الضَّرايب كَمان، فِشان هُم خَدّامين الله البِدّو وَكتُم كُلّو لِلشُّغل داك بِزاتو.

رُومِيَه 12:13

شارِكو مَعَ المُحتاجين بين القِدِّسين. أفتَحو بُيوتكُم لِلغَريبين.

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

أعمال الرُّسُل 13:12

و لَمّا المُدير شاف الحَصَل، هو آمَن، و كان مُستَغرَب مِن تَعليم الرَّب.

أعمال الرُّسُل 4:36

و يُوسِف كان لَاوِي مِن قُبرُص. و الرُّسُل سَمّوهو بَرْنَابَا، يَعني إبن الشَّجاعَه.

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.