رُومِيَه 10:16 - كِتاب العَهد الجَّديد مِن الكِتاب المُقَدَّس

¹⁶ و لَكِن مُش كُلُّهُم قِبلو الإنجيل. عَشان إِشَعْيَاء يَقول: ”يا رَب، مِنو صَدَّق خَبَرنا؟“

رُومِيَه 10:16 Referans Kwoze

رُومِيَه 3:3

شِنو إذا كان بَعض مِنَّهُم ما كان عِندَهُم إيمان؟ عَلَشان هُم ما عِندَهُم إيمان، الله ما بِكون أمين؟

عِبرانيين 4:2

و هُم بَشَّرونا بِالإنجيل زي ما بِشَّرو ديل، لَكِن الكِلمَه الهُم سِمِعوهو ما كانَت عِندَها فايدَه ليهُم. و دا عَلَشان ديل السِّمِعوهو ما لَخبَطوها بِالإيمان.

٢ تَسَالُونِيكِي 1:8

هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

غَلَاطِيَّه 5:7

كُنتو بِتَجرو كوَيس. مِنو وَقَّفكُم حَتّى ما تَطيعو الحَق؟

١ بُطْرُس 2:8

و: ”حَجَر عَترَه و صَخرَة وقوع.“ يَقَعو عَلَشانُم ما بِطيعُو الكِلمَه، و كِدا كانو مُعَينين لِدا.

عِبرانيين 11:8

بِالإيمان إِبْرَاهِيم، لَمّا الله ناداهو، طاع عَشان يَمرُق لِلمَحَل الهو ماشي ياخُدو ميراث. و هو مَرَق و ما عارِف هو ماشي وين.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

رُومِيَه 2:8

و ليهُم البِحِبّو نُفوسُم، و ما بِطيعُو الحَق لَكِن بِطيعُو الشَّر، بِكون في زَعل و غَضَب.

١ بُطْرُس 3:1

يا زوجات، كِدا إنتو طيعو رُجالكُم، و إذا كان بَعضُم ما بِطيعُو الكِلمَه، تَربَحوهُم بِدون كِلمَه بِمَشيكُم

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

أعمال الرُّسُل 28:24

و بَعض مِنَّهُم قِبلو الكَلام الهو قال ليهُم، و لَكِن بَعض مِنَّهُم ما آمَنو.

يُوحَنَّا 10:26

لَكِن إنتو ما بِتآمِنو، عَشان إنتو ما مِن خِرفاني، زي ما قُلتَ ليكُم.

مَتَّى 13:14

و تَمَّ فيهُم الكَلام القالو النَّبي إِشَعْيَاء: بِتَسمَعو سَمَع لَكِن ما بِتَفهَمو، و بِتعايِنو بِعُيونكُم لَكِن ما بِتشوفو.