رُومِيَه 1:13 - كِتاب العَهد الجَّديد مِن الكِتاب المُقَدَّس

¹³ أنا ما عاوِزكُم تَكونو بِدون مَعرِفَه، يا أخوان، مَرّات كَتيرَه قَرَّرتَ أجي ليكُم فِشان ألقى ثِمار مِنَّكُم كَمان، زي في الأُمَم التّانيين. و لَكِن مَنَعوني لِغايَة هَسَّع.

رُومِيَه 1:13 Referans Kwoze

أعمال الرُّسُل 19:21

و لَمّا الحاجات دي تَمَّت، بُولُس قَرَّر بِروحو أن يَمشي لِأُورُشَلِيم بَعَد ما مَرَّ بِمَكِدونيَّه و أَخَائِيَه. و قال: ”بَعَد ما أمشي هِناك، لازِم أشوف رُومِيَه كَمان.“

فيلِبّي 4:17

أنا ما بَطلُب الهَديَه، لَكِن بَطلُب الثَّمار اليَزيد لِحِسابكُم.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

١ تَسَالُونِيكِي 4:13

لَكِن ما عاوِزينكُم تَكونو بِدون مَعرِفَه، يا أخوان، عَن الراقِدين، عَلَشان ما تَحزَنو زي التّانيين الما عِندَهُم رَجاء.

١ تَسَالُونِيكِي 2:18

عَشان كُنّا عاوزين نَجي ليكُم — أنا، بُولُس، مَرَّه و مَرَّه تانيَه — و لَكِن الشّيطان مَنَعنا.

٢ كُورِنْثُوس 1:8

و نِحنا عاوِزين نَزَكِّركُم، يا أخوان، عَن التَّعب الكان عِندَنا في آسيا. و الأحمال الهُم خَتّو عَلينا كانَت كَبيرَه و تَقيلَه حَتّى إفتَكَرنا ماشين نَموت.

١ كُورِنْثُوس 12:1

هَسَّع عَن الهَدايا الرّوحيَّه، يا أخوان، ما بَدوركُم تَكونو بِدون مَعرِفَه.

١ كُورِنْثُوس 10:1

و أنا، يا أخوان، ما عاوِزكُم تَكونو بِدون مَعرِفَه، أبَهاتنا كُلَّهُم كانو تِحِت السَّحابَه. و كُلَّهُم مَرّو بِالبَحَر المالِح.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

رُومِيَه 11:25

عَشان أنا عاوِزكُم، يا أخوان، تَكونو فاهمين بِالسِّر دا، عَلَشان ما تَكونو شاطرين قِدّام نُفوسكُم. و قِسم مِن إِسْرَائِيل، روسينُم بِقو قَوّيَّه لِغايَة ما يَدخُل عَدَد كامِل مِن الأُمَم.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

يُوحَنَّا 4:36

و البِلِم الدُّرَه ياخُد أُجرَتو، و يَلِم دُرَه لِلحَياة الأبَديَّه. عَشان كِدا، المُزارِع و البِلِم الدُّرَه يَفرَحو سَوا.

٢ تَسَالُونِيكِي 2:7

عَشان سِر الخَطيَّه بِشتَغِل هَسَّع، حَتّى اليَمنَع ظُهور إبن الخَراب، يَروح مِن الوَسط.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

١ كُورِنْثُوس 9:2

إذا أنا ما رَسول لِلتّانيين، عَلى الأقَل أنا رَسول ليكُم. عَشانكُم إنتو خِتِم رِسالتي في الرَّب.

أعمال الرُّسُل 21:19

و بَعَد ما سَلّم عَليهُم، بُولُس كَلَّمُم مِن اول، لِآخِر، بِكُلّو حاجَه الله عَمَلا بين الأُمَم بِخِدمَتو.

أعمال الرُّسُل 15:12

و كُل النّاس سَكَتو، و كانو يَسمَعو لِبَرْنَابَا و بُولُس و هُم يَقولو ليهُم كُل العَمَلو الله بِإيديهُم مِن العَلامات و العَجايِب.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

يُوحَنَّا 12:24

الحَق الحَق أقول ليكُم، إلّا تيراب الدُّرَه يَقَع في الأرض و يَموت، يَبقى بَراهو. لَكِن إذا مات، يَجيب ثِمار كَتير.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 28:14

و هِناك لِقينا أخوان، و هُم إترَجّونا نَقعُد مَعاهُم سَبعَة أيام. و كِدا جينا لِرُومِيَه.

رُومِيَه 1:12

يَعني بِتكون عِندَنا شَجاعَه مَعَ بَعض بِالإيمان الفي كُلُّنا، إيمانكُم و إيماني.

رُومِيَه 7:1

يا أخوان، أنا بَكَلِّم النّاس البِعرِفو القانون. ما بِتَعرِفو، القانون عِندو سُلطَه فوق الزّول و هو حَي؟

١ كُورِنْثُوس 1:10

لَكِنّي أطلُب ليكُم، يا أخوان، بِإسم رَبَّنا يَسُوع المَسيح، كُلُّكُم تَقولو كَلام واحِد. و ما يَكون بينكُم أقسام، لَكِن تَفتَكِرو فِكِر واحِد بِعَقل واحِد.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

غَلَاطِيَّه 3:15

يا أخوان، بَقول ليكُم مَثَل مِن حَياة الزّول. ما في إنسان يَقدَر يَوَقِّف ولّا يَزيد عَلى إتِّفاق الزّول الكان مَثَبَّت.

غَلَاطِيَّه 6:18

نِعمَة رَبَّنا يَسُوع المَسيح مَعَ روحكُم، يا أخوان! آمين.

فيلِبّي 1:22

و لَكِن إذا الحَياة في الجِّسم تَجيب ثِمار مِن عَمَلي، أنا ما عارِف أختار شِنو.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.