رؤيا 8:2 - كِتاب العَهد الجَّديد مِن الكِتاب المُقَدَّس

² و شُفتَ السَّبعَه مَلائكَه البِقيفو قِدّام الله، و أدّو ليهُم سَبعَه أبواق.

رؤيا 8:2 Referans Kwoze

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

لُوقَا 1:19

و المَلاك رَدَّ و قال ليهو: ”أنا جِبْرَائِيل الواقِف قِدّام الله، و أنا مُرسَل عَشان أكَلِّمَك و أبَشِّرَك بِدا.

رؤيا 8:6

بَعدين السَّبعَه مَلائكَه العِندَهُم السَّبعَه أبواق جَهَّزو عَشان يَضرُبو بيها.

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

رؤيا 16:1

و سِمِعتَ صوت عالي مِن الهيكَل يَقول لِلسَّبعَه مَلائكَه: ”أمشو و كُبّو السَّبعَه حِلَل بِتاعَت غَضَب الله عَلى الأرض.“

رؤيا 15:1

و شُفتَ في السَّما عَلامَه تانيَه عَظيمَه و عَجيبَه: سَبعَه مَلائكَه و مَعاهُم السَّبعَه ضَرَبات الأخيرَه. و غَضَب الله تَمَّ بيها.

مَتَّى 24:31

و هو بِرَسِّل مَلائكَتو بِبوق عِندو صوت عالي. و هُم بِلِمّو مُختارينو مِن الأربَعَه أركان، مِن الشَّرق لِلغَرب.

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

١ كُورِنْثُوس 15:52

في دَقيقَه، في قَفل عين، في البوق الأخير. عَشان بِضرُب البوق، و المَيِّتين بِقومو بِأجسام ما بِموتو، و نِحنا بِنِتغَيَّر.

١ تَسَالُونِيكِي 4:16

عَشان الرَّب نَفسو بِنزِل مِن السَّما، و عِندو كِلمَة الأمر، و صوت رَئيس مَلائكَه، و بوق الله. و المَيِّتين في المَسيح بِقومو في الأوَّل.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 8:13

و بَعدين شُفتَ، و سِمِعتَ نَسر يَطير في وَسِط السَّما. و هو قال بِصوت عالي: ”مُصيبَه! مُصيبَه! مُصيبَه لِلسّاكِنين عَلى الأرض، بِسَبَب الأصوات التّانيَه مِن أبواق التّلاتَه مَلائكَه الهُم قَرَّبو يَضرُبوها.“

رؤيا 9:1

و المَلاك الخامِس ضَرَب بِالبوق، و شُفتَ نَجمَه كانَت وَقَعَت مِن السَّما لِلأرض. و أدّو ليها مُفتاح الحُفرَه الغَريقَه خَلاص.