رؤيا 6:11 - كِتاب العَهد الجَّديد مِن الكِتاب المُقَدَّس

¹¹ و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.

رؤيا 6:11 Referans Kwoze

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.

رؤيا 14:13

و سِمِعتَ صوت مِن السَّما يَقول: ”أكتِب: مُبارَكين المَيِّتين، البِموتو في الرَّب مِن هَسَّع!“ ”أيوَه،“ يَقول الرّوح: ”عَلَشانُم بِستَريحو مِن أتعابُم، عَشان أعمالُم بِيَتبَعوهُم.“

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.

عِبرانيين 11:40

عَشان الله جَهَّز لينا حاجَه أحسَن، عَلَشان هُم ما بِكونو كامِلين بِدونَنا.

يُوحَنَّا 16:2

هُم بِطرُدوكُم مِن بُيوت الرَّب. لَكِن ساعَه بِتَجي، فيها أي واحِد البِكتُلكُم يَفتَكِر هو بِخدِم الله.

رؤيا 17:6

و شُفتَ المَرَه كانَت سَكرانَه مِن دَم القِدِّسين و مِن دَم شاهِدين يَسُوع. و لَمّا شُفتَها، كُنتَ مُستَغرَب جِدّاً.

رؤيا 13:15

و أدّو ليهو أن يَدّي روح لِصَنَم الوَحَش عَشان يتكَلَّم، و يَعمِل كُل النّاس الما بِيَعبُدو صَنَم الوَحَش يَكونو مَكتولين.

مَتَّى 10:21

الأخو بِسَلِّم أخوهو لِلموت، و الأبو، وَلَدو. و الأولاد بِقومو عَلى والِدينُم و يَكتُلوهُم.

لُوقَا 15:22

و قام الأبو و قال لِخَدّامينو: جيبو بِالسُّرعَه أحسَن هِدوم، و لَبِّسوهو، و خُتّو خاتِم في إيدو و جِزَم في كِرعينو.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

٢ تَسَالُونِيكِي 1:7

و ليكُم البِتَتعَبو، هو بِدّيكُم راحَه مَعانا في ظُهور الرَّب يَسُوع مِن السَّما في نار مَوَلَّعَه مَعَ مَلائكَتو القَوّيَّه.

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

عِبرانيين 4:10

عَشان أي واحِد البِدخُل راحَتو، هو كَمان إستَراح مِن أعمالو زي ما الله إستَراح مِن أعمالو.

عِبرانيين 12:23

و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

رؤيا 10:6

و هو حَلَف بيهو البِعِيش لِلأبَد، الخَلَق السَّما و كُل الفيها، و الأرض و كُل الفيها، و البَحَر و كُل الفيهو. و قال: ”ما بِكون في زَمَن بَعَد دا!