رؤيا 3:5 - كِتاب العَهد الجَّديد مِن الكِتاب المُقَدَّس

⁵ و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.

رؤيا 3:5 Referans Kwoze

مَتَّى 10:32

كِدا، كُل البِشهَد بي قِدّام النّاس، أنا كَمان بَشهَد بيهو قِدّام أبوي الفي السَّما.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

لُوقَا 12:8

و أقول ليكُم، البِعتَرِف بي قِدّام النّاس، أنا كَمان بَعتَرِف بيهو قِدّام مَلائِكَة الله.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 20:12

و شُفتَ المَيِّتين، الكُبار و الصُّغار، واقِفين قِدّام الكُرسي. و فَتَحو الكُتُب. و فَتَحو كِتاب تاني، و هو كِتاب الحَياة. و هو دان المَيِّتين بِحَسَب المَكتوب في الكُتُب، حَسَب أعمالُم.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

رؤيا 19:8

و أدّوها أن تَلبَس تيل لامِع و نَضيف.“ عَشان التّيل هو أعمال البِر بِتاعَت القِدِّسين.

رؤيا 22:19

و إذا أي واحِد يَشيل مِن كِلمات كِتاب النُّبوَّه دي، الله بِشيل جُزو مِن شَجَرَة الحَياة و مِن المَدينَه المُقَدَّسَه، و مِن الحاجات المَكتوبَه في الكِتاب دا.

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

لُوقَا 10:20

و لَكِن ما تَفرَحو عَشان الأرواح يَسمَعو ليكُم، لَكِن أفرَحو عَشان أساميكُم مَكتوبَه في السَّما.“

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

رؤيا 6:11

و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.