رؤيا 3:1 - كِتاب العَهد الجَّديد مِن الكِتاب المُقَدَّس

¹ و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:1 Referans Kwoze

١ تِيمُوثَاوُس 5:6

لَكِن الأرمَلَه التَّعيش بَس عَشان تَكون مَبسوطَه، هي مَيِّتَه ما دام عِندَها حَياة.

يَعْقُوب 2:26

زي ما الجِّسِم بِدون روح هو ميت، كِدا كَمان الإيمان بِدون أعمال هو مَيِّت.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

كُولُوسِّي 2:13

لَمّا كُنتو مَيِّتين في الخَطايا و جِسِمكُم ما كان مُطَهَّر، الله عَمَلكُم حَيين مَعاهو. هو غَفَر لينا كُلّو خَطايانا.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

رؤيا 2:19

أنا بَعرِف أعمالَك و مَحَبَّتَك و إيمانَك و خِدمَتَك و صَبرَك. و بَعرِف أعمالَك الأخيرَه أكتَر مِن الفي الأوَّل.

لُوقَا 15:24

عَشان وَلَدي دا كان مَيِّت و بِقى حَي تاني. و كان ضايِع و إتلَقى. و بَدو يَفرَحو.

رؤيا 1:16

و في إيدو اليَمين عِندو سَبعَه نُجوم و ماشي مِن خَشمو سيف سَنين، عِندو طَرَفين. و وَشّو يَنَوِّر زي الشَّمِش في قوَتو.

أفَسُس 2:5

عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

لُوقَا 15:32

لَكِن واجِب عَلينا نَفرَح و نَكون مَبسوطين، عَشان أخوك دا كان مَيِّت و حِيى تاني، و كان ضايِع و إتلَقى.“

أفَسُس 2:1

و إنتو كُنتو مَيِّتين بِالذُّنوب و الخَطايا.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

رؤيا 4:5

و مِن الكُرسي مَرَقو بُروق و أصوات و رُعود. و قِدّام الكُرسي سَبعَه لَمبات نار مَوَلَّعَه. و هُم السَّبعَه أرواح الله.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

يُوحَنَّا 1:33

و أنا ما كُنتَ عارِفو، لَكِن الرَّسَّلني عَشان أعَمِّد بِالمويَه، هو قال لَي: البِتشوف الرّوح نازِل و يِستَنّى عَليهو، دا هو البِعَمِّد بِالرّوح القُدُس.

يُوحَنَّا 1:16

و نِحنا كُلُّنا أخَدنا مِن خيرو الكَتير، نِعمَه فوق نِعمَه.

رؤيا 5:6

و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

يُوحَنَّا 20:22

و لَمّا قال كِدا، إتنَفَّس عَليهُم و قال: ”أقبَلو الرّوح القُدُس.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 3:2

أحرِس و شَدِّد الحاجات البِستَنّو القَرَّبو يَموتو، عَشان أنا ما لِقيت أعمالَك كَامِلَه قِدّام إلَهي.

رؤيا 3:8

أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.

رؤيا 3:15

أنا بَعرِف أعمالَك، إنتَ مُش بارِد و مُش حار. أنا عَاوِزَك تَكون بارِد ولّا حار!