رؤيا 22:4 - كِتاب العَهد الجَّديد مِن الكِتاب المُقَدَّس

⁴ و هُم بِشوفو وَشّو، و إسمو بِكون عَلى جَبهاتُم.

رؤيا 22:4 Referans Kwoze

رؤيا 14:1

و بَعدين عايَنتَ، و شوف! الحَمَل واقِف عَلى جَبَل صِهيون، و مَعاهو مِيَّه و أربَعَه و أربَعين ألف. و هُم كانو عِندَهُم إسمو و إسم أبوهو مَكتوبين عَلى جَبهاتُم.

مَتَّى 5:8

مُبارَكين النُّضاف القَلب، عَشانُم بِشوفو الله.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

رؤيا 7:3

و قالو: ”ما تَضُرّو الأرض ولّا البَحَر ولّا الشَّجَر، حَتّى نَخُت الخِتِم عَلى جَبهات خَدّامين إلَهنا.“

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.