رؤيا 22:2 - كِتاب العَهد الجَّديد مِن الكِتاب المُقَدَّس

² و بِجري في وَسِط الشّارِع الكَبير بِتاع المَدينَه. و عَلى البَحَر بِالجَّنب دا و داك، كانَت في شَجَرَة الحَياة. و الشَّجَرَه دي جابَت إتناشَر نوع مِن الثَّمار، و تَجيب ثَمَرا كُلّو شَهَر. و أوراق الشَّجَرَه عَشان شِفا الأُمَم.

رؤيا 22:2 Referans Kwoze

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

رؤيا 22:14

مُبارَكين البِغَسِّلو هِدُومُم عَلَشان تَكون عِندَهُم سُلطَه عَلى شَجَرَة الحَياة و يدخُلو المَدينَه مِن الأبواب.

رؤيا 22:19

و إذا أي واحِد يَشيل مِن كِلمات كِتاب النُّبوَّه دي، الله بِشيل جُزو مِن شَجَرَة الحَياة و مِن المَدينَه المُقَدَّسَه، و مِن الحاجات المَكتوبَه في الكِتاب دا.

رؤيا 21:24

و الأُمَم بِمشو بِنورا، و مُلوك الأرض بِجيبو مَجدُم ليها.

رؤيا 21:21

و الإتناشَر باب كانو إتناشَر لولي، كُلّو باب كان لولي واحِد. و شارِع المَدينَه كان مِن الدَّهَب النَّضيف زي القِزاز الصّافي.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه