رؤيا 21:2 - كِتاب العَهد الجَّديد مِن الكِتاب المُقَدَّس

² و شُفتَ المَدينَه المُقَدَّسَه، أُورُشَلِيم الجَديدَه، نازِلَه مِن السَّما مِن الله. و هي كانَت مَجَهَّزَه زي عَروسَه مَزيَنَه لِعَريس.

رؤيا 21:2 Referans Kwoze

عِبرانيين 11:10

عَشان هو إنتَظَر المَدينَه العِندَها الأساسات، و الله عَمَلا و بَناها.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

رؤيا 21:10

و هو شَالني في الرّوح لِجَبَل كَبير و عالي. و هو وَرّاني المَدينَه المُقَدَّسَه، أُورُشَلِيم، نازِلَه مِن السَّما مِن الله.

عِبرانيين 13:14

عَشان ما عِندَنا هِنا مَدينَه مُستَمِرَّه، لَكِن نَطلُب المَدينَه الجّايَه.

عِبرانيين 12:22

لَكِن إنتو قَرَبتو لِجَبَل صِهيون، لِمَدينَة الله الحَي، أُورُشَلِيم السَّماويَّه، و لِجَماعات عَشَرَة آلاف مِن المَلائكَه، و لِإجتِماع،

رؤيا 22:19

و إذا أي واحِد يَشيل مِن كِلمات كِتاب النُّبوَّه دي، الله بِشيل جُزو مِن شَجَرَة الحَياة و مِن المَدينَه المُقَدَّسَه، و مِن الحاجات المَكتوبَه في الكِتاب دا.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

رؤيا 11:2

و سيب الحوش البَرَّه مِن الهيكَل، و ما تَقيسو. عَلَشان أدّوهو لِلأُمَم، و هُم بِدوسو المَدينَه المُقَدَّسَه تِحِت كِرعينُم لِإتنين و أربَعين شَهَر.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

يُوحَنَّا 3:29

و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.