رؤيا 16:15 - كِتاب العَهد الجَّديد مِن الكِتاب المُقَدَّس

¹⁵ ”شوف! أنا بَجي زي الحَرامي! مُبارَك هو البِحرَس و بِحفَظ هِدومو عَلَشان ما يَمشي عَريان و يَوَرّي عيبو.“

رؤيا 16:15 Referans Kwoze

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

مَتَّى 25:13

عَشان دا، خَلّو بالكُم، عَشان إنتو ما عارفين اليوم ولّا السّاعَه.

٢ كُورِنْثُوس 5:3

و إذا لِبِسناهو، ما يَلقونا عَريانين.

مَرْقُس 14:38

أحرِسو، و صَلّو، عَشان ما تَدخُلو في تَجرِبَه. الرّوح رَضيان، لَكِن الجِّسم ضَعيف.“

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

١ تَسَالُونِيكِي 5:6

عَلَشان كِدا، ما نَنوم زي التّانيين، لَكِن خَلّونا نحرِس و نَكون عاقِلين.

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

مَتَّى 26:41

أحرِسو و صَلّو، عَشان ما تَدخُلو في تَجرِبَه. بِالحَق الرّوح رَضيان، لَكِن الجِّسم ضَعيف.“

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

١ تَسَالُونِيكِي 5:4

لَكِن إنتو، يا أخوان، ما في الضُّلُمَّه، و اليوم داك ما بِجي عَليكُم زي الحَرامي.

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.

رؤيا 22:7

شوف! أنا جاي قَريب! مُبارَك البِحفَظ كِلمات نُبُوَّة الكِتاب دا.“