رؤيا 14:18 - كِتاب العَهد الجَّديد مِن الكِتاب المُقَدَّس

¹⁸ بَعدين مَلاك تاني مَرَق مِن المَضبَح. و هو كان عِندو سُلطَه عَلى النّار. و نادى المَلاك العِندو المَنجَل السَّنين بِصوت عالي يَقول: ”أرمي مَنجَلَك السَّنين، و لِم عَناقيد العِنَب مِن كَرم الأرض، عَشان عِنَبا بِقى نَجيض.“

رؤيا 14:18 Referans Kwoze

رؤيا 16:8

و المَلاك الرّابِع كَبَّ حَلَّتو عَلى الشَّمِس، و أدّو لِلشَّمِس أن تَحرَق النّاس بِالنّار.

مَرْقُس 4:29

و لَكِن لَمّا الدُّرَه جاهِزَه، طَوّالي يَخُت فيهو المَنجَل، فِشان وَكِت يَلِمّو الدُّرَه جا.“

رؤيا 8:3

بَعدين، تاني مَلاك جا و وَقَف عِند المَضبَح، و كان عِندو حَلَّه مِن دَهَب. و أدّو ليهو بَخور كَتير عَشان يَقَدِّمو مَعَ كُلّو صَلَوات القِدِّسين عَلى المَضبَح الدَّهَبي قِدّام الكُرسي.

رؤيا 16:7

و سِمِعتَ صوت مِن المَضبَح يَقول: ”أيوَه، يا رَب الإلَه القادِر عَلى كُلّو شي، أحكامَك حَق و عادِلَه!“