رؤيا 12:9 - كِتاب العَهد الجَّديد مِن الكِتاب المُقَدَّس

⁹ و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 12:9 Referans Kwoze

لُوقَا 10:18

و قال ليهُم: ”أنا كُنتَ أشوف الشّيطان يَقَع مِثِل البَرق مِن السَّما.

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

١ يُوحَنَّا 5:19

بِنَعرِف نِحنا مِن الله، و الدُّنيا كُلَّها تِحِت سُلطَة الشَّرّير.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

رؤيا 12:7

و كان في حَرب في السَّما. مِخائيل و مَلائكَتو حارَبو التّنين. و التّنين و مَلائكَتو حارَبو كَمان.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

رؤيا 20:8

و هو بِمرُق عَشان يَغِش الأُمَم في أقسام الأرض الأربَعَه، يَعني جوج و ماجوج، و عَلَشان يَلِمُّم لِلحَرب. و عَدَدُم مِثِل رَمل البَحَر.

رؤيا 12:3

و عَلامَه تانيَه ظَهَرَت في السَّما: و شوف! تنين أحمَر كَبير، و عِندو سَبعَه روسين و عَشَرَه قُرون، و عَلى روسينو سَبعَه تيجان.

رؤيا 9:1

و المَلاك الخامِس ضَرَب بِالبوق، و شُفتَ نَجمَه كانَت وَقَعَت مِن السَّما لِلأرض. و أدّو ليها مُفتاح الحُفرَه الغَريقَه خَلاص.

رؤيا 2:24

و لَكِن بَقول دا ليكُم، التّانيين في ثِيَاتِيرَا، كُل الما مَسَكتو بِالتَعليم دا. و إنتو ما بِتَعرِفو الحاجات الغَريقَه بِتاعَت الشّيطان زي ما بِقولو. أنا ما بَخُت عَليكُم حِمِل تاني.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

٢ كُورِنْثُوس 11:14

ما تِستَغرَبو! عَشان الشّيطان نَفسو بِغَيِّر نَفسو لِمَلاك نور.

٢ كُورِنْثُوس 2:11

و عَمَلتَ دا عَلَشان الشّيطان ما بِغلِب عَلينا. عَشان نِحنا بِنَعرِف تَرتيباتو.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

لُوقَا 22:31

يا سِمْعَان، يا سِمْعَان! شوف، الشّيطان كان عاوِز كُلَّكُم عَشان يَغَربِلكُم زي الدُّرَه.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

لُوقَا 22:3

و الشّيطان دَخَل في يَهُوذَا الإسمو الإسْخَريُوتي، واحِد مِن الإتناشَر.

لُوقَا 8:12

و ديلاك العَلى الطَّرِيق، هُم السِّمِعو. و بَعدين إبْلِيس يَجي و يَشيل الكِلمَه مِن قُلوبُم، عَشان ما يآمِنو و يَخلَصو.

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

مَتَّى 4:10

بَعدين يَسُوع قال ليهو: ”أمشي، يا شيطان، عَشان مَكتوب: أعبُد الرَّب إلَهَك، و إشتَغِل ليهو بَس.“

مَتَّى 4:8

مَرَّه تانيَه إبْلِيس اَخَدو لِجَبَل عالي جِدّاً و وَرّاهو مَمالِك الدُّنيا كُلَّها و المَجد بِتاعتا.

مَتَّى 4:5

بَعدين إبْلِيس اَخَدو لِلمَدينَه المُقَدَّسَه، و خَتّاهو فوق مَحَل عالي في الهيكَل.

مَتَّى 4:1

بَعدين الرّوح ساق يَسُوع لِلخَلا عَلَشان إبْلِيس يَجَرِّبو.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 16:14

عَشان هُم أرواح شياطين بيَعمِلو عَلامات. و يَمرُقو لِمُلوك الدُّنيا كُلَّها عَشان يَلِمّوهُم لِكِتال اليوم الكَبير، يوم الله القادِر عَلى كُلّو شي.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 9:20

و باقي النّاس الما كانو مَكتولين بِالضَّرَبات دي لِسَّع ما تابو مِن أعمال إيدينُم. و هُم إستَمَرّو يَعبُدو الشّياطين و الأصنام الدَّهَبي و الفِضَّه و النَّحاس الأصفَر و الحَجَر و الخَشَب. و الأصنام ديل ما بِقدَرو يَشوفو ولّا يَسمَعو ولّا يَمشو.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

يَهُوذَا 1:9

و لَكِن مِخائيل، رَئيس المَلائكَه، لَمّا شاكَل إبْلِيس عَن جِسِم مُوسَى، خاف يَجيب حُكم بِشَتيمَه، لَكِن قال: ”الرَّب يَوَبِّخَك!“

عِبرانيين 2:14

عَلَشان الأولاد عِندَهُم دَم و لَحَم، هو كَمان إشتَرَك فيها، عَلَشان بِموتو هو يَخرَب العِندو سُلطَة الموت، يَعني إبْلِيس.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

١ تِيمُوثَاوُس 2:14

آدَم ما كان مَغشوش، لَكِن المَرَه كانَت مَغشوشَه، و بِقَت خَاطيَه.

٢ تَسَالُونِيكِي 2:3

ما تَخَلّو أي واحِد يَغِشّكُم بِأي طَرِيقَه. اليوم داك ما بِجي إلّا النّاس يَرجَعو عَن الإيمان في الأوَّل و إنسان الخَطيَّه، إبن الخَراب يَظهَر.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

٢ كُورِنْثُوس 12:7

و عَلَشان ما بَفتَكِر عَن نَفسي أنا زول كَبير بِسَبَب الرّؤيَه دي العَظيمَه جِدّاً، أدّاني شوك في جِسمي. و الشّوك دا كان مُرسَل مِن الشّيطان عَشان يَعَذِّبني فِشان ما أرفَع نَفسي كَتير.

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

لُوقَا 13:16

و المَرَه، هي بِت إِبْرَاهِيم، و الشّيطان رَبَطا تَمَنطاشَر سَنَه. هي ما لازِم تَكون مَفكوكَه مِن الرُّباط دا في يوم السَّبِت؟“

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 13:39

و العَدو الزَّرَعو، هو إبْلِيس. و وَكِت البِلِمّو الدُّرَه، هو آخِر الزَّمَن. و ديل البِلِمّوها، هُم المَلائكَه.

رؤيا 18:2

و هو كورَك بِصوت عالي و قال: ”وَقَعَت! وَقَعَت بابِل العَظيمَه! هي بِقَت بيت لِلشّياطين، و سِجِن لِكُلّو روح نَجِس، و سِجِن لِكُلّو طير نَجِس و مَكروه،

رؤيا 18:23

و نور الفانوس ما بِنَوِّر فيكي بَعَد دا أبَداً. و صوت العَريس و العَروسَه ما بِسمَعوهو فيكي بَعَد دا أبَداً. عَشان تُجّارِك كانو الكُبار في الأرض، و بِسِحرك كُل الأُمَم ضَلّو.

رؤيا 12:8

و لَكِن هُم ما غَلَبوهُم. و بَعَد دا ما كان في مَحَل ليهُم في السَّما.

رؤيا 12:12

عَلَشان كِدا أفرَحو، يا سَمَوات و إنتو السّاكِنين فيها! و مُصيبَه لِلأرض و لِلبَحَر، عَشان إبْلِيس نَزَل ليكُم. و غَضَبو عَظيم، عَلَشانو بِيَعرِف عِندو وَكِت قِصَير!“