رؤيا 12:17 - كِتاب العَهد الجَّديد مِن الكِتاب المُقَدَّس

¹⁷ و التّنين غَضَب عَلى المَرَه. و مَشى عَشان يَحارِب باقي أولادا، البِحفَظو أوامِر الله و يَمسِكو بِشَهادَة يَسُوع.

رؤيا 12:17 Referans Kwoze

رؤيا 14:12

و في دا يَظهَر صَبر القِدِّسين، ديل البِحفَظو أوامِر الله و إيمان بِيَسُوع.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 11:7

و لَمّا كَمَّلو شَهادَتُم، الوَحَش البِطلَع مِن الحُفرَه الغَريقَه خَلاص بِحارِبُم و بِيَغلِبُم و يَكتُلُم.

رؤيا 6:9

و لَمّا فَتَح الخِتِم الخامِس، شُفتَ تِحِت المَضبَح، نُفوس النّاس الكانو مَكتولين عَشان خاطِر كِلمَة الله، و فِشان الشَّهادَه الكانَت عِندَهُم.

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 13:7

و أدّو ليهو أن يَحارِب القِدِّسين و يَغلِبُم. و أدّو ليهو سُلطَه عَلى كُلّو قَبيلَه و شَعب و لُغَه و أُمَّه.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:2

بِدا بِنَعرِف نِحنا بِنحِب أولاد الله، إذا بِنحِب الله و بِنَحفَظ أوامِرو.

١ يُوحَنَّا 2:3

و بِدا بِنَعرِف بِالحَق نِحنا بِنَعرِفو، إذا نَحفَظ أوامِرو.

رؤيا 22:14

مُبارَكين البِغَسِّلو هِدُومُم عَلَشان تَكون عِندَهُم سُلطَه عَلى شَجَرَة الحَياة و يدخُلو المَدينَه مِن الأبواب.

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

رؤيا 19:19

و شُفتَ الوَحَش و مُلوك الأرض و جُيوشُم إتلَمّو عَشان يَحارِبو الرّاكِب فوق الحُصان و جُيوشو.

رؤيا 18:20

أفرَحي بيها، يا سَما! أفرَحو، يا قِدِّيسين و رُسُل و أنبياء! عَشان الله حَكَم عَليها فِشان خاطِركُم.“

رؤيا 17:6

و شُفتَ المَرَه كانَت سَكرانَه مِن دَم القِدِّسين و مِن دَم شاهِدين يَسُوع. و لَمّا شُفتَها، كُنتَ مُستَغرَب جِدّاً.

١ كُورِنْثُوس 2:1

و أنا، لَمّا جيت ليكُم، يا أخوان، ما جيت أبَشِّر بِشَهادَة الله بِكَلام عالي ولّا حِكمَه عَظيمَه.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

رؤيا 12:16

و الأرض ساعَدَت المَرَه، و فَتَحَت خَشما، و بَلَعَت البَحَر التّنين رَمى مِن خَشمو.