رؤيا 1:5 - كِتاب العَهد الجَّديد مِن الكِتاب المُقَدَّس

⁵ و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 1:5 Referans Kwoze

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

كُولُوسِّي 1:18

و هو راس الجِّسِم، الكَنيسَه. هو البِدايَه و البِكر مِن بين المَيِّتين، عَشان هو يَكون مِتقَدِّم في كُلّو حاجَه.

١ بُطْرُس 1:19

لَكِن بِدَم كَريم زي مِن حَمَل بِدون عيب ولّا أي شي ناقِص، هو دَم المَسيح.

أعمال الرُّسُل 26:23

يَعني، المَسيح بِتوَجَّع و بِكون هو أوَّل واحِد البِقوم مِن بين المَيِّتين، و يَخَبِّر بِالنّور لِلشَّعب و لِلأُمَم.“

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.

١ يُوحَنَّا 4:10

و دي هي المَحَبَّه: مُش نِحنا الحَبّينا الله، لَكِنّو هو الحَبّانا و رَسَّل إبنو عَشان يَكون ضَبيحَة دَفع عَن خَطايانا.

يُوحَنَّا 18:37

و بِيلاطُس قال ليهو: ”عَلى كِدا إنتَ مَلِك؟“ يَسُوع قال ليهو: ”إنتَ بِتقول أنا مَلِك. عَشان كِدا أنا إتوَلَدتَ، و عَشان كِدا أنا جيت لِلدُّنيا، عَشان أشهَد لِلحَق. كُلّو واحِد اليَحِب الحَق يَسمَع صوتي.“

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

١ تِيمُوثَاوُس 6:15

و الله بِبَيِّنو في وَكتو، الله، المُبارَك، الحاكِم الوَحيد. هو مَلِك المُلوك و رَب الأرباب.

أفَسُس 2:4

لَكِن الله، عَلَشان هو حَبّانا بِمَحَبَّه عَظيمَه و هو غَني في الرَّحمَه،

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

١ تِيمُوثَاوُس 6:13

أنا بَدّيك أمر قِدّام الله البِدّي حَياة لِلكُل، و قِدّام المَسيح يَسُوع الشِّهِد قِدّام بِيلاطُس البُنْطي الشَّهادَه الكوَيسَه.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

يُوحَنَّا 15:9

زي ما الأبو حَبّاني، أنا كَمان حَبّيتكُم. أسكُنو في مَحَبَّتي.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

رُومِيَه 8:37

لا، في كُل الحاجات دي نَغلِب غَلب كَبير بيهو الحَبّانا.

يُوحَنَّا 13:34

أنا بَدّيكُم أمر جَديد، عَشان تَحِبّو بَعضَكُم بَعض. زي ما أنا حَبّيتكُم، إنتو كَمان تَحِبّو بَعضَكُم بَعض.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 3:11

الحَق الحَق أقول ليك، نِحنا بِنِتكَلَّم بِالشّي النَعرِفو، و نَشهَد بِالشّي النَشوفو. و إنتو ما بِتَقبَلو شَهادَتنا.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

رُومِيَه 3:25

الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 11:3

و أنا بَدّي لِشاهِديني قُوَّه، و هُم بِتنَبّو مُدَّة ألف و ميتين و سِتّين يوم و هُم لابسين شَوال.“

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.