رؤيا 1:1 - كِتاب العَهد الجَّديد مِن الكِتاب المُقَدَّس

¹ رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

رؤيا 1:1 Referans Kwoze

رؤيا 22:16

أنا يَسُوع رَسَّلتَ ملاكي عَشان يَشهَد ليكُم بِالحاجات دي في الكَنايس. أنا عِرق دَاوُد و مِن أولادو، و أنا نَجمَه الصَّباح اللّامعَه.“

رؤيا 22:6

و المَلاك قال لَي: ”الكِلمات دي صادِقَه و أمينَه. و الرَّب، إلَه أرواح الأنبياء، رَسَّل ملاكو عَشان يَوَرّي خَدّامينو الحاجات اللازِم تَحصَل بَعَد شوَيَه.

غَلَاطِيَّه 1:12

أنا ما قِبِلتو مِن زول، ولّا إتعَلَّمتو مِن زول، لَكِن قِبِلتو بِرؤيا يَسُوع المَسيح.

أفَسُس 3:3

كيف هو خَبَّرني بِرؤيا عَن السِّر، زي ما كَتَبتَ قُبّال دا بِكِلمات قَليلَه.

رؤيا 1:19

عَلَشان كِدا، أكتِب الحاجات الشُّفتَها، و الحاجات المَوجودَه، و الحاجات البِتَحصُل بَعَد دا.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 15:15

بَعَد دا ما بَسَمّيكُم خَدّامين، عَشان الخَدّام ما بِيَعرِف البيَعمِل سَيِدو. لَكِن أنا سَمّيتكُم مَحبوبين، عَشان أنا كَلَّمتَكُم بِكُل السِّمِعتو مِن أبوي.

رؤيا 4:1

و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“

يُوحَنَّا 12:49

عَشان أنا ما إتكَلَّمتَ مِن نَفسي، لَكِن الأبو الرَّسَّلني هو أدّاني أمر أقول شِنو و أتكَلَّم شِنو.

يُوحَنَّا 8:26

أنا عِندي حاجات كَتيرَه أقولا ليكُم، و أحكُم عَليكُم. لَكِن الرَّسَّلني، هو حَق، و السِّمِعتو مِنّو، دا بَقولو لِلدُّنيا.“

رؤيا 21:2

و شُفتَ المَدينَه المُقَدَّسَه، أُورُشَلِيم الجَديدَه، نازِلَه مِن السَّما مِن الله. و هي كانَت مَجَهَّزَه زي عَروسَه مَزيَنَه لِعَريس.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

يُوحَنَّا 17:8

عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

رؤيا 5:7

و هو جا و أخَد الكِتاب مِن يَمين القاعِد عَلى الكُرسي.

رؤيا 17:1

و واحِد مِن السَّبعَه مَلائكَه العِندَهُم السَّبعَه حِلَل جا و كَلَّمني و قال: ”تَعال و بَوَرّيك دينونَة الزّانيَه الكَبيرَه البِتَقعُد عَلى مويَه كَتيرَه.

رؤيا 19:9

و هو قال لَي: ”أكتِب: مُبارَكين ديل النّادوهُم لِعَشا عِرِس الحَمَل.“ و قال لَي كَمان: ”دي كِلمات الله الصَّحَيحَه.“

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

رؤيا 22:8

و أنا يُوحَنَّا، السِّمِعتَ و شُفتَ الحاجات دي. و لَمّا سِمِعتَ و شُفتَ، وَقَعتَ عَشان أعبُد قِدّام كِرعين المَلاك الكان يَوَرّيني دا.

رؤيا 22:9

لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك الأنبياء و مَعَ ديل البِحفَظو كِلمات الكِتاب دا. أعبُد الله!“