فيلِبّي 4:9 - كِتاب العَهد الجَّديد مِن الكِتاب المُقَدَّس

⁹ الإنتو إتعَلَّمتو، و قِبِلتو، و سِمِعتو مِنّي، و شُفتو فِيني، أعمِلو بِدا. و إلَه السَّلام بِكون مَعاكُم.

فيلِبّي 4:9 Referans Kwoze

يَعْقُوب 1:22

و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم.

فيلِبّي 3:17

يا أخوان، عيشو مَعَ بَعض زي ما أنا بَعيش، و شوفو تَمام هُم البِعيشو بِالمَثَل النِحنا أدّيناهو ليكُم.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.

يُوحَنَّا 13:17

إذا عِرِفتو الحاجات دي، بِتكونو مُبارَكين إذا تَعمِلوهُم.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

لُوقَا 6:46

و لِشِنو بِتسَمّوني: ’يا رَب، يا رَب‘ و ما بِتَعمِلو البَقولو.

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

مَتَّى 7:21

مُش كُلّو واحِد البقول لَي: يا رَب، يا رَب، بِدخُل مَلَكوت السَّما، لَكِن بَس هو البيَعمِل زي ما عاوِز أبوي الفي السَّما.

٢ تَسَالُونِيكِي 3:4

و عِندَنا تأكيد في الرَّب إنَّكُم بِتَعمِلو زي ما نَدّيكُم أمر و إنتو تِستَمِرّو تَعمِلوهو كَمان.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

١ تَسَالُونِيكِي 5:23

و إلَه السَّلام نَفسو يَقَدِّسكُم بِالتَّمام، و يَحفَظ روحكُم و نَفسَكُم و جِسِمكُم كَامِلَه و بِدون لوم لَمّا رَبَّنا يَسُوع المَسيح بِجي.

رُومِيَه 15:33

إلَه السَّلام مَعاكُم كُلُّكُم. آمين.

يُوحَنَّا 2:5

و أُمّو قالَت لِلخَدّامين: ”البِقولو ليكُم، أعمِلوهو.“

لُوقَا 8:21

و رَدَّ و قال ليهُم: ”أُمّي و أخواني هُم البِسمَعو كِلمَة الله و يَعمِلو بيها.“

١ تَسَالُونِيكِي 2:14

عَلَشان إنتو، يا أخوان، بِقيتو زي كَنايس الله الفي اليَهُودِيَّه الفي المَسيح يَسُوع. عَشان إتحَمَّلتو نَفس الحاجات مِن ناس بَلَدكُم زي ما هُم إتحَمَّلو مِن اليَهود.

١ كُورِنْثُوس 10:31

كِدا، إذا تاكلو ولّا تَشرَبو ولّا تَعمِلو أي حاجَه، أعمِلو كُلّو حاجَه لِمَجد الله.

أعمال الرُّسُل 9:6

قوم و أدخُل المَدينَه، و بِقولو ليك اللازِم تَعمِلو.“

٢ تِيمُوثَاوُس 4:22

الرَّب يَسُوع المَسيح مَعَ روحَك. النِّعمَه مَعاكُم.

١ كُورِنْثُوس 14:33

عَشان الله مُش إلَه لَخبَطَه، لَكِن إلَه سَلام.

يُوحَنَّا 15:14

إنتو مَحبوبين لَي إذا تَعمِلو زي ما بأمُركُم.

١ يُوحَنَّا 3:22

و كُل النَّطلُب نَقبَل مِنّو، عَشانّا نَحفَظ أوامِرو و نَعمِل الحاجات التَّبسِطو.

مَتَّى 1:23

”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“ دا يَعني: ”الله مَعانا.“

١ كُورِنْثُوس 4:16

و أطلُب ليكُم تَعمِلو زي ما أنا بَعمِل.