فيلِبّي 4:8 - كِتاب العَهد الجَّديد مِن الكِتاب المُقَدَّس

⁸ و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

فيلِبّي 4:8 Referans Kwoze

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

٢ كُورِنْثُوس 8:21

و نَفتَكِّر مِن قُبّال عَشان نَعمِل الحاجَه الكوَيسَه، مُش قِدّام الله بَس لَكِن قِدّام النّاس كَمان.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

أفَسُس 5:9

عَلَشان ثِمار الرّوح هو في كُلّو حاجَه طَيبَه و في بِر و في حَق.

تِيطُس 1:8

لَكِن هو بِفتَح بيتو لِلغَريبين، و بِحِب الخير، و يَكون عاقِل، و عَديل، و مُقَدَّس، و بِقدَر يَمسِك نَفسو.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

تِيطُس 3:14

و خَلّي أهَلنا يِتعَلَّمو أن يَدّو نُفوسُم لِلأعمال الكوَيسَه لِلإحتِياجات الضَّروريَه. و كِدا هُم ما بِعيشو حَياة بِدون فايدَه.

رُومِيَه 13:13

خَلّونا نَعيش بِالإحتِرام زي في النَّهار، ما بِالحَفلات البَطّالَه و السُّكر، ولّا بِالفَضيحَه و الخَراب، ولّا بِالمُشاكَلَه و الحَسَد.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

١ يُوحَنَّا 3:18

يا أولادي، خَلّونا نَحِب، ما بِالكَلام، و لا بِاللِّسان، لَكِن بِالعَمَل و الحَق.

تِيطُس 2:2

عَلِّم الرُّجال الكُبار في السِّن أن يَكونو عاقِلين، و مُستَحِقّين الإحتِرام، و عِندَهُم مَسِك النَّفس، و صادقين في الإيمان و المَحَبَّه و الصَّبر.

٢ كُورِنْثُوس 13:7

و نِحنا نَصَلّي لِلَّه عَشان إنتو ما تَعمِلو حاجَه بَطّالَه. و دا ما عَشان النّاس بِشوفو نِحنا مَرّينا بِالإمتِحان. لَكِن دا عَشانكُم تَعمِلو كوَيس، و لَو نِحنا بِقينا زي الوَقَعو في الإمتِحان.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

١ بُطْرُس 4:8

فوق كُلّو شي، حِبّو بَعضَكُم بَعض بِمَحَبَّه شَديدَه، عَشان المَحَبَّه تَغَطّي خَطايا كَتيرَه.

رُومِيَه 13:3

عَشان الخوف مِن السَّلاطين ما يَكون بِسَبَب العَمَل الكَويس، لَكِن بِالعَمَل البَطّال. إنتَ داير تَكون ما خايِف مِن السُّلطان؟ أعمِل الخير و هو بِشكُرَك.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

فيلِبّي 3:1

في الآخِر، يا أخوان، أفرَحو في الرَّب. كِتابَة الحاجات دي ما صَعبَه عَلي، لَكِن عَشان تَحفَظكُم.

رُومِيَه 2:29

لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

١ تِيمُوثَاوُس 2:2

عَشان المُلوك و كُل العِندَهُم سُلطَه عَلَشان نَعيش حَياة بِسَلام و سُكوت في كُلّو خوف الله و قَداسَه.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

أفَسُس 6:14

قُومو و كونو ثابِتين، صُلبكُم مَربوط بِحِزام الحَق، و لابِسين دِرِع البِر.

١ تَسَالُونِيكِي 4:12

عَشان تَعيشو بِتَرتيب مِن جِهَة المِن بَرَّه، و ما يَكون ليكُم إحتِياج لِأي شي.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

٢ كُورِنْثُوس 6:8

بِمَجد و بِدون إحتِرام، بِخَبَر كوَيس و خَبَر بَطّال، يَقولو نِحنا كَضّابين، لَكِن نِتكَلَّم الحَق.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

يُوحَنَّا 7:18

البِتكَلَّم مِن نَفسو بِطلُب مَجد نَفسو. لَكِن البِطلُب المَجد حَق الرَّسَّلو، هو أمين، و ما فيهو غِش.

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

مَرْقُس 6:20

عَشان هِيرُودُس كان خايِف مِن يُوحَنَّا، و عِرِف هو راجِل بار و قُدّوس، و حَرَسو. و لَمّا سِمِع يُوحَنَّا، إتحَيَّر جِدّاً، و لَكِن سِمِعو بِفَرَح.

لُوقَا 16:15

و قال ليهُم: ”إنتو تَبَرِّرو نُفوسكُم قِدّام النّاس. لَكِن الله عارِف قُلوبكُم. عَشان البِكون مَرفوع قِدّام النّاس، الله بِيَكرَهو.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

أعمال الرُّسُل 22:12

و حَنانيّا، راجِل طَيب حَسَب القانون، و مُحتِرَم مِن اليَهود السّاكنين هِناك،

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

١ تِيمُوثَاوُس 5:2

النِّسوان الكُبار في السِّن زي أُمَّهات و الأصغَر زي أخوات، بِكُلّو قَلِب نَضيف.

لُوقَا 23:50

و شوف، كان في راجِل إسمو يُوسِف. و هو كان واحِد مِن المَجلِس، و راجِل طَيب و بار.

١ تِيمُوثَاوُس 3:4

هو لازِم يَرَتِّب بيتو كوَيس، و يَعمِل أولادو يَطيعوهو بِكُلّو إحتِرام.

أعمال الرُّسُل 6:3

كِدا، يا أخوان، إختارو سَبعَه رُجال مِنَّكُم المَعروفين، مَليانين بِالرّوح و الحِكمَه، و بِنَدّيهُم السُّلطَه عَلى الحاجات دي.

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

عِبرانيين 11:2

عَشان في دا الله شِهِد لِلأبَهات.

١ تِيمُوثَاوُس 3:11

و زي دا كَمان، خَلّي نَسوانُم يَكونو مُحتَرمات، ما بِشتِمو، يَمسِكو نُفوسُم، و أمينات في كُلّو حاجَه.

٢ كُورِنْثُوس 8:18

و رَسَّلنا مَعاهو الأخو الحَمَدو كُل الكَنايس عَلى خِدمَتو في الإنجيل.

٢ بُطْرُس 3:1

يا أخواني المَحبوبين، هَسَّع دا هو الجَّواب التّاني بَكتِبو ليكُم. و فيهُم الإتنين بَزَكِّركُم عَشان أحَرِّك عُقولكُم المُخلِصَه.

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.