فيلِبّي 4:18 - كِتاب العَهد الجَّديد مِن الكِتاب المُقَدَّس

¹⁸ قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

فيلِبّي 4:18 Referans Kwoze

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

فيلِبّي 4:12

أنا عارِف الإحتِياج، و أنا عارِف أعيش في كَترَه. في كُلّو شي و في كُلّو حال، إتعَلَّمتَ سِر الرّاحَه، إذا أنا شَبعان ولّا جَعان، إذا عِندي مال كَتير ولّا عِندي إحتِياج.

٢ كُورِنْثُوس 9:12

و عَمَل الخِدمَه دي ما يَملى إحتِياج القِدِّسين بَس، لَكِن يَزيد في شُكر كَتير لِلَّه.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

أعمال الرُّسُل 10:4

و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

٢ كُورِنْثُوس 11:8

أنا سَرَقتَ مِن كَنايس تانيين و كُنتَ باخُد أُجرَه مِنَّهُم فِشان أخدِمكُم.