فيلِبّي 3:9 - كِتاب العَهد الجَّديد مِن الكِتاب المُقَدَّس

⁹ و عَشان هو يَلقاني فيهو، مُش بِبِرّي المِن القانون، و لَكِن بِالبِر البِالإيمان بِالمَسيح، البِر المِن الله بِالإيمان.

فيلِبّي 3:9 Referans Kwoze

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

رُومِيَه 1:17

الإنجيل يَكَلِّمنا إنّو الله عَمَلنا بارين قِدّامو بِإيمان فيهو. عَلَشان كِدا، بِالإيمان بِنعيش الحَياة الجَديدَه بِواسطَتو. و الكُتُب المُقَدَّسَه بِقولو: ”الإنسان البار بِعِيش بِالإيمان.“

تِيطُس 3:5

هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

فيلِبّي 3:6

في خُصوص الغيرَه، طارِد الكَنيسَه. في خُصوص البِر الفي القانون، بِدون لوم.

رُومِيَه 10:10

عَشان الإنسان بِآمِنو بِالقَلب لِلبِر، و بِعتَرِف بِالخَشم عَشان يَخلَص.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

مَتَّى 9:13

أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“

١ يُوحَنَّا 3:4

و كُلّو واحِد بيَعمِل خَطيَّه، يَكَسِّر القانون. و الخَطيَّه هي كَسر القانون.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

يَعْقُوب 3:2

عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

رُومِيَه 16:7

سَلِّمو عَلى أَنْدَرُونِيكُوس و وَيُونِيَاس مِن أهل بيتي، المَحبوسين مَعاي. هُم مَعروفين بين الرُّسُل، و هُم كانو في المَسيح قُبّالي.

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.