فيلِبّي 2:7 - كِتاب العَهد الجَّديد مِن الكِتاب المُقَدَّس

⁷ لَكِن خَلّى نَفسو، و أخَد صورَة عَبد، و كان مَولود في شَبه بَني آدَم.

فيلِبّي 2:7 Referans Kwoze

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

غَلَاطِيَّه 4:4

لَكِن لَمَّن الوَكِت كان مَليان، الله رَسَّل إبنو مَولود مِن مَرَه، مَولود تِحِت القانون.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

رُومِيَه 15:3

عَشان المَسيح ما عَجَب نَفسو، لَكِن زي ما هو مَكتوب: ”شَتِيمَة الشَّتَموك وَقَعَت عَلي.“

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

لُوقَا 22:27

مِنو هو أكبَر، القاعِد في الطَّرَبيزَه ولّا البِخدِم؟ ما هو القاعِد في الطَّرَبيزَه؟ لَكِن أنا في وَسِطكُم زي البِخدِم.

رُومِيَه 15:8

عَشان أقول ليكُم، المَسيح بِقى خَدّام الطَّهور فِشان حَق الله، حَتّى يَثَبِّت وُعود الله لِلأبَهات.

فيلِبّي 2:6

هو كان الله في نَفسو، و لَكِن ما إفتَكَر هو لازِم يِستَمِر يَمسِك سُلطتو يَكون واحِد مَعَ الله.

مَتَّى 12:18

”شوف! خَدّامي الأنا إختِرتو، حَبيبي الأنا مَبسوط بيهو. بَخُت روحي عَليهو، و هو بِخَبِّر ناس الدُّنيا بِالعدل.

عِبرانيين 13:3

إتزَكَّروهُم المَحبوسين، زي ما إنتو مَحبوسين مَعاهُم، و ديل المَظلومين زي ما إنتو كَمان مَظلومين.

رُومِيَه 1:3

و الإنجيل يَكَلِّمنا عَن إبنو، رَبَّنا يَسُوع المَسيح و هو كان مَولود مِن أهل بيت دَاوُد حَسَب الجِّسِم.

مَرْقُس 9:12

و قال ليهُم: ”صَحيح، إِيلِيَّا يَجي في الأوَّل و بِرَجِّع كُلّو شي. و كيف مَكتوب عَن إبن الإنسان، إنّو يِتعَذَب كَتير، و يَكون مَرفوض؟

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.