فيلِبّي 1:8 - كِتاب العَهد الجَّديد مِن الكِتاب المُقَدَّس

⁸ عَشان الله شاهِد لَي كيف أنا عاوِز أشوف كُلُّكُم بِمَحَبَّة يَسُوع المَسيح.

فيلِبّي 1:8 Referans Kwoze

فيلِبّي 4:1

عَلَشان دا، يا أخواني، إنتو الأنا بَحِبّكُم و عاوِز بِشِدَّه أشوفكُم، يا فَرَحي و تاجي، ثَبِّتو كِدا في الرَّب، يا مَحبوبين.

رُومِيَه 1:9

عَشان الله، البَخدِمو بِروحي في إنجيل إبنو، بِشهَد لَي كيف أتذَكَّركُم في كُلّو وَكِت في صَلَواتي.

٢ تِيمُوثَاوُس 1:4

و لَمّا أتزَكَّر دِموعَك، بَحِب أشوفَك، عَشان بَكون مَليان بِفَرَح.

١ تَسَالُونِيكِي 2:8

كِدا، عَشان مَحَبَّتنا ليكُم، كُنّا رَضيانين نَدّيكُم مُش إنجيل الله بَس، و لَكِن نُفوسنا كَمان، عَشانكُم بِقيتو مَحبوبين لينا.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

فِلِيمُون 1:12

أنا بَرَجِّعو ليك، و دا زي ما بَرَسِّل ليك قَلبي زاتو.

كُولُوسِّي 2:1

أنا عاوِزكُم تَعرِفو كيف أنا بَشتَغِل شَديد خَلاص عَلَشانكُم، و عَلَشان ديل الفي لاوُدِكِيَّة، و كُل الما شافو وَشّي في الجِّسِم.

غَلَاطِيَّه 4:19

يا أولادي، زي الأُم لَمّا تَلِد، أنا أتعَب نَفس الوَجَع حَتّى المَسيح يِتصَوَر فيكُم.

غَلَاطِيَّه 1:20

و البَكتِب ليكُم هو قِدّام الله، و ما بَكَضِّب فيهو.

٢ كُورِنْثُوس 7:15

و قَلبو يَبقى مَليان بِرَحمَه ليكُم لَمّا يِتذَكَّر كيف إنتو سِمِعتو ليهو، و كيف قِبِلتوهو بِخوف و هَزَّه.

٢ كُورِنْثُوس 6:12

نِحنا ما قَفَلنا قُلوبنا ليكُم، لَكِن إنتو قَفَلتو قُلوبكُم لينا.

لُوقَا 1:78

بِواسِطَة رَحمَة الله البيها تَطلَع لينا الشَّمِش مِن السَّما

١ يُوحَنَّا 3:17

و لَكِن العِندو بُضاعَة الدُّنيا و يَشوف أخوهو مُحتاج و يَقفِل قَلبو مِنّو، كيف تَكون مَحَبَّة الله فيهو؟

فِلِيمُون 1:20

أيوَه، يا أخوّي، أنا عاوِز فايدَه مِنَّك في الرَّب. أدّيني راحَه لِقَلبي في المَسيح.

١ تَسَالُونِيكِي 2:5

و زي ما تَعرِفو، ما شَكَرناكُم بِالكَضب أبَداً، ولّا بِالكَلام اليَدِس الطَّمَع. الله شاهِد.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

فيلِبّي 2:26

عَلَشان هو عاوِز يَشوفكُم كُلُّكُم كَتير خالِص، و هو حَزين جِدّاً فِشان إنتو سِمِعتو هو كان عَيّان.

فيلِبّي 2:1

كِدا، إذا عِندَكُم كَلام شَجاعَه في المَسيح، إذا أي تَعزيَه بِمَحَبَّتو، إذا أي شَرِكَه في الرّوح، إذا أي مَحَبَّه و رَحمَه،

٢ كُورِنْثُوس 13:9

عَشان نِحنا مَبسوطين كُلو وَكِت لأنِنا نَكون ضَعيفين و إنتو تَكونو قَوّيين. و نَصَلّي كَمان عَشان إنتو تَكونو كامِلين.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.