فيلِبّي 1:7 - كِتاب العَهد الجَّديد مِن الكِتاب المُقَدَّس

⁷ و دا تَمام لَي أن أفتَكِر كِدا عَن كُلُّكُم، عَلَشان أحفَظكُم كُلُّكُم في قَلبي. فِشان كُلُّكُم تَشارِكوني في نِعمَة الله، إذا أنا في جَنازِير ولّا أحرِس الإنجيل و أوَرّي إنّو هو الحَق.

فيلِبّي 1:7 Referans Kwoze

٢ كُورِنْثُوس 7:3

و ما بَقول دا عَشان أحكُم عَليكُم. عَشان زي ما قُلتَ قُبّال دا، إنتو في قُلوبنا، عَشان نَموت مَعاكُم و نَعيش مَعاكُم.

فيلِبّي 1:5

و بَشكُر الله عَشان شَرِكَتكُم في الإنجيل مِن اليوم الأوَّل لِغايَة هَسَّع.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

كُولُوسِّي 4:18

أنا، بُولُس، أكتِب السَّلام دا بِإيدي. إتزَكَّرو جَنازِيري. النِّعمَه مَعاكُم.

فيلِبّي 4:14

لَكِن عَمَلتو حاجَه جَمِيلَه لَمّا شارَكتوني في تَعبي.

أفَسُس 6:20

و أنا سَفير في جَنازِير فِشان الإنجيل. و صَلّو عَلَشان أتكَلَّم بِشَجاعَه زي أنا لازِم أتكَلَّم.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

١ يُوحَنَّا 3:14

بِنَعرِف نِحنا مَرَقنا مِن الموت لِلحَياة، بِسَبَب مَحَبَّتنا لِلأخوان. الما بِحِب أخوهو يِستَنّى في الموت.

٢ بُطْرُس 1:13

و ما دام أنا في خيمَة الجِّسِم دا، أحسِب دا صَحيح أحَرِّكُّم عَشان تِتزَكَّروها.

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

١ تَسَالُونِيكِي 5:5

فِشان كُلُّكُم أولاد النّور و أولاد النَّهار. نِحنا مُش مِن اللّيل ولّا الضُّلُمَّه.

كُولُوسِّي 4:3

و صَلّو سَوا فِشانّا كَمان، عَشان الله يَفتَح لينا باب لِلكِلمَه، عَشان نِتكَلَّم بِسِر المَسيح. و بِالسَّبَب دا أنا مَربوط بِجَنازِير.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

٢ كُورِنْثُوس 3:2

إنتو نُفوسكُم جَواباتنا مَكتوبَه في قُلوبنا. و كُل النّاس بِيَعرِفوها و بِقروها.

١ كُورِنْثُوس 13:7

و تِتحَمَّل كُلّو حاجَه، و تَصَدِّق كُلّو حاجَه، و عِندَها رَجاء لِكُلّو حاجَه، و تَصبُر عَلى كُلّو حاجَه.

١ كُورِنْثُوس 9:23

و أنا أعمِل كُلّو دا عَلَشان الإنجيل، عَشان بَكون شَريك فيهو.

أعمال الرُّسُل 21:33

في الوَكِت دا، رَئيس الجُّيوش قَرَّب ليهو، و قَبَض عَليهو، و أمَرُم يَربُطوهو بِجَنزيرين. و سأل عَنّو مِنو هو، و عَمَل شِنو.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

فيلِبّي 1:12

و عاوِزكُم تَعرِفو، يا أخوان، الحَصَل لَي، هو السَّبَب الإنجيل إتقَدَّم.

فيلِبّي 1:13

عَلَشان دا، بِقى مَفهوم لِكُلّو حُرّاس الحَكومَه و لِكُلّو ناس تانيين إنّي مَحبوس فِشان المَسيح.

فيلِبّي 1:14

و أكتَر الأخوان بِقو مِتأكِّدين في الرَّب بِسَبَب جَنازِيري. و عِندَهُم شَجاعَه أكتَر عَشان يِتكَلَّمو بِكِلمَة الله بِدون خوف.

فيلِبّي 2:22

و لَكِن إنتو عارفين كيف هو وَرّا فايدَتو، و هو خَدَم مَعاي في الإنجيل، زي وَلَد مَعَ أبوهو.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

فيلِبّي 4:15

و إنتو، يا ناس فيلِبّي، عارفين في بِدايَة الإنجيل، لَمّا مَرَقتَ مِن مَكِدونيَّه، ما في كَنيسَه واحدَه شارَكَت مَعاي تَدّيني و تاخُد مِنّي، إلّا إنتو بَس.

فِلِيمُون 1:13

و كُنتَ داير أحفَظو مَعاي، عَلَشان يَخدِمني بَدَلَك في جَنازِير الإنجيل.