فيلِبّي 1:27 - كِتاب العَهد الجَّديد مِن الكِتاب المُقَدَّس

²⁷ عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

فيلِبّي 1:27 Referans Kwoze

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

١ كُورِنْثُوس 1:10

لَكِنّي أطلُب ليكُم، يا أخوان، بِإسم رَبَّنا يَسُوع المَسيح، كُلُّكُم تَقولو كَلام واحِد. و ما يَكون بينكُم أقسام، لَكِن تَفتَكِرو فِكِر واحِد بِعَقل واحِد.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

فيلِبّي 3:18

عَلَشان، زي ما كَلَّمتَكُم مَرّات كَتيرَه قُبّال، و أقول تاني و أنا أبكي، ناس كُتار يَعِيشو زي عُدوان صَليب المَسيح.

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

أعمال الرُّسُل 4:32

و كُل المؤمِنين كانو عِندَهُم قَلب واحِد و فِكر واحِد. و لا واحِد قال حاجَه مِن أموالو كانَت ليهو بَس، لَكِن كانو عِندَهُم كُلّو شي مَعَ بَعض.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

١ كُورِنْثُوس 15:58

عَلَشان كِدا، يا أخوان المَحبوبين، كونو ثابِتين، ما مُحَرَّكين. و زيدو في عَمَل الرَّب دايماً، عَشان إنتو بِتَعرِفو تَعبكُم ما بِدون فايدَه في الرَّب.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

يَعْقُوب 3:18

البيَعمِلو السَّلام بِزرَعو تيراب السَّلام، و هُم بِلِمّو ثِمار البِر.

فِلِيمُون 1:5

عَشان بَسمَع بِمَحَبَّتَك و إيمانَك نَحو الرَّب يَسُوع و لِكُل القِدِّسين.

تِيطُس 2:10

و ما يَسرِقو مِنَّهُم لَكِن يَوَرّو إنَّهُم يَقدَرو يتَّكَلو عَليهُم بِالتَّمام. و كِدا في كُلّو شي، تَعليم الله مُخَلِّصنا بِكون مَحبوب ليهُم.

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

أعمال الرُّسُل 2:46

و كُلّو يوم كانو بِستَمِرّو يِتلَمّو في الهيكَل و بِكَسِّرو العيش في البُيوت، و بياكلو مَعَ بَعض بِفَرَح و قُلوب مُخلِصين.

مَتَّى 12:25

و يَسُوع عِرِف أفكارُم و قال ليهُم: ”كُلّو مَملَكَه مِنقَسمَه عَلى نَفسا بِتَخسَر. و كُلّو مَدينَه ولّا بيت مِنقَسِم عَلى نَفسو ما بِكون ثابِت.

١ تَسَالُونِيكِي 3:6

و لَكِن هَسَّع تِيمُوثَاوُس جا لينا مِنَّكُم، و بَشَّرنا بِإيمانكُم و مَحَبَّتكُم. و هو خَبَّرنا كيف إنتو دايماً تِتذَكَّرونا بِلُطف، و عاوِزين بِشِدَّه تَشوفونا. و نِحنا كَمان عاوِزين بِشِدَّه نَشوفكُم.

كُولُوسِّي 1:4

عَلَشان نِحنا سِمِعنا بِإيمانكُم في المَسيح يَسُوع و مَحَبَّتكُم لِكُل القِدِّسين.

فيلِبّي 2:24

و لَكِن أنا مِتأكِّد بِالرَّب، إنّي أنا كَمان بَجي قَريب.

أفَسُس 1:15

عَلَشان كِدا، أنا كَمان لَمّا سِمِعتَ بِإيمانكُم بِالرَّب يَسُوع، و مَحَبَّتكُم لِكُل القِدِّسين،

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

غَلَاطِيَّه 1:7

بِالحَق ما في إنجيل تاني. لَكِن بَعض مِن النّاس يَلَخبِتكُم، و بِدورو يَغَيِّرو إنجيل المَسيح.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

رُومِيَه 15:29

أنا بَعرِف لَمّا أجي ليكُم، بَجي ليكُم بِبَرَكَه كاملَه مِن المَسيح.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 10:8

لَكِن يَقول شِنو؟ ”الكِلمَه قَريبَه مِنَّك، في خَشمَك و في قَلبَك.“ يَعني كِلمَة الإيمان النَّبَشِّر بيها.

رُومِيَه 1:9

عَشان الله، البَخدِمو بِروحي في إنجيل إبنو، بِشهَد لَي كيف أتذَكَّركُم في كُلّو وَكِت في صَلَواتي.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

أعمال الرُّسُل 24:24

و بَعَد أيام قَليلَه، فِيلِكْس جا مَعَ دُرُوسِلا، مَرَتو، و هي يَهُودِيَّه. و هو رَسَّل و جاب بُولُس، و سِمِع مِنّو عَن الإيمان بِيَسُوع المَسيح.

فيلِبّي 1:5

و بَشكُر الله عَشان شَرِكَتكُم في الإنجيل مِن اليوم الأوَّل لِغايَة هَسَّع.

فيلِبّي 3:20

و لَكِن وَطَنّا في السَّما. و نَستَنّا مُخَلِّص مِن هِناك، الرَّب يَسُوع المَسيح.

فيلِبّي 4:1

عَلَشان دا، يا أخواني، إنتو الأنا بَحِبّكُم و عاوِز بِشِدَّه أشوفكُم، يا فَرَحي و تاجي، ثَبِّتو كِدا في الرَّب، يا مَحبوبين.