فيلِبّي 1:20 - كِتاب العَهد الجَّديد مِن الكِتاب المُقَدَّس

²⁰ أنتَظِر و عِندي رَجاء إنّي ما بَكون خَجلان أبَداً، و لَكِن بِكون عِندي شَجاعَه حَتّى المَسيح بِكون مُحتِرَم في جِسمي هَسَّع، زي في كُلّو وَكِت، إذا بِالحَياة ولّا بِالموت.

فيلِبّي 1:20 Referans Kwoze

١ بُطْرُس 4:16

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.

١ كُورِنْثُوس 6:20

كُنتو مُشتَرين بِتَمَن. عَلَشان كِدا، مَجِّدو الله في جِسِمكُم.

١ تَسَالُونِيكِي 5:23

و إلَه السَّلام نَفسو يَقَدِّسكُم بِالتَّمام، و يَحفَظ روحكُم و نَفسَكُم و جِسِمكُم كَامِلَه و بِدون لوم لَمّا رَبَّنا يَسُوع المَسيح بِجي.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.

٢ كُورِنْثُوس 10:8

عَشان إذا أشكُر نَفسي زِيادَه شوَيَه بِالسُّلطَه الأدّانا الله عَشان أبنيكُم و ما عَلَشان أخَرِّبكُم، أنا ما خَجلان.

٢ كُورِنْثُوس 4:10

و بِنشيل دايماً في الجِّسم، موت يَسُوع، عَلَشان نَوَرّي حَياة يَسُوع كَمان في جِسِمنا.

١ كُورِنْثُوس 7:34

و هو إنقَسَم في اليَخُصّو. و الما مِتزَوِّجَه ولّا العَذراء تَخَلّي بالا لِحاجات الرَّب، عَشان تَكون مُقَدَّسَه بِالجِّسِم و بِالرّوح. لَكِن المِتزَوِّجَه تَخَلّي بالا لِحاجات الدُّنيا، كيف تَبسِط راجِلا.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

فيلِبّي 1:14

و أكتَر الأخوان بِقو مِتأكِّدين في الرَّب بِسَبَب جَنازِيري. و عِندَهُم شَجاعَه أكتَر عَشان يِتكَلَّمو بِكِلمَة الله بِدون خوف.

٢ كُورِنْثُوس 7:14

أنا حَمَدتَكُم شوَيَه قِدّامو، و ما بِقيت خَجلان. لَكِن زي ما كَلَّمناكُم بِكُلّو حاجَه بِالحَق، كِدا كَمان حَمدَنا فيكُم لِتِيطُس كان الحَق.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

١ كُورِنْثُوس 15:31

أخَبِّركُم، يا أخوان، بِالفَخر العِندي فيكُم في يَسُوع المَسيح رَبَّنا، بَموت كُلّو يوم.

رُومِيَه 9:33

مِثِل ما مَكتوب: ”شوف! أنا بَخُت في صِهيون حَجَر وقوع و صَخرَه نُزول، و البِآمِنو بيهو ما بِكون خَجلان.“

رُومِيَه 6:19

بَتكَلَّم بِكِلمات الزّول، عَلَشان، الضُّعف الفي جِسِمكُم. كُنتو تَدّو أعضاءكُم خَدّامين لِلنَّجاسَه و الشَّر الكَتير. كِدا كَمان هَسَّع أدّو أعضاءكُم خَدّامين لِلبِر و لِلقَداسَه.

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

أعمال الرُّسُل 21:13

لَكِن بُولُس رَدَّ و قال: ”مالكُم بِتَبكو و تَكسِرو قَلبي؟ أنا جاهِز مُش أكون مَربوط بَس، لَكِن أموت كَمان في أُورُشَلِيم فِشان خاطِر إسِم الرَّب يَسُوع.“

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

يُوحَنَّا 21:19

يَسُوع قال كِدا عَشان يَوَرّي ياتو موت كان ماشي بِمَجِّد بيهو الله. و بَعَد كِدا، قال ليهو: ”أتبَعني.“

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

٢ كُورِنْثُوس 3:12

و إذا عِندَنا رَجاء زي دا، عِندَنا شَجاعَه كَتيرَه.

٢ كُورِنْثُوس 7:4

أنا مِتَّكِل عَليكُم كَتير، و عِندي فَخر عَظيم فيكُم. أنا مَليان تَعزيَه. و فَرَحي يَزيد كَتير خَلاص في كُلّو أتعابنا.