فيلِبّي 1:1 - كِتاب العَهد الجَّديد مِن الكِتاب المُقَدَّس

¹ بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

فيلِبّي 1:1 Referans Kwoze

٢ كُورِنْثُوس 1:1

مِن بُولُس رَسول المَسيح يَسُوع بِإرادَة الله، و مِن تِيمُوثَاوُس الأخو، لِكَنيسَة الله الفي كُورِنْثُوس، مَعَ كُل النّاس المُقَدَّسين في كُلّو أَخَائِيَه.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

١ تِيمُوثَاوُس 3:8

و زي دا كَمان، خَدّامين الكَنيسَه لازِم يَكونو رُجال مُحتَرمين، بِدون كِضِب في كَلامُم، ما بِكونو سَكرانين، ما طَمّاعين في قُروش وَسخانَه.

٢ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو و الرَّب يَسُوع المَسيح.

١ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو، و الرَّب يَسُوع المَسيح. نِعمَه ليكُم و سَلام.

أفَسُس 1:1

مِن بُولُس رَسول يَسُوع المَسيح بِإرادَة الله، لِلقِدِّسين الفي أفَسُس و المؤمِنين بِالمَسيح يَسُوع.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

يَعْقُوب 1:1

مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.

١ تِيمُوثَاوُس 1:2

لِتِيمُوثَاوُس وَلَدي بِالحَق في الإيمان: نِعمَه و رَحمَه و سَلام مِن الله الأبو و المَسيح يَسُوع رَبَّنا.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

١ بُطْرُس 2:25

عَشانكُم كُنتو زي خِرفان ضايِع، لَكِن رَجَعتو هَسَّع لِراعي نُفوسكُم و مُلاحِظكُم.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

عِبرانيين 13:23

و أنا عاوِزكُم تَعرِفو، أخونا تِيمُوثَاوُس إتفَكّا مِن السِّجِن، و بِنشوفكُم سَوا إذا هو بِجي في وَكِت قَريب.

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

أفَسُس 1:15

عَلَشان كِدا، أنا كَمان لَمّا سِمِعتَ بِإيمانكُم بِالرَّب يَسُوع، و مَحَبَّتكُم لِكُل القِدِّسين،

١ كُورِنْثُوس 16:10

إذا تِيمُوثَاوُس يَجي، شوف أنّو يَكون بِدون خوف مَعاكُم. عَشان هو يَعمِل عَمَل الرَّب زي ما أنا أعمِل.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

أعمال الرُّسُل 9:13

و لَكِن حَنانيّا رَدَّ و قال: ”يا رَب، سِمِعتَ مِن كَتيرين عَن الرّاجِل دا، بِكُل الحاجات البَطّالَه الهو عَمَل لِقِدِّسينَك في أُورُشَلِيم.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

مَرْقُس 13:34

هو زي زول مِسافِر. لَمّا يَسيب بيتو، يَدّي لِخَدّامينو السُّلطَه، لِكُلّو واحِد في شُغلو. و يأمُر البَوّاب أن يَحرَس.

رؤيا 22:9

لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك الأنبياء و مَعَ ديل البِحفَظو كِلمات الكِتاب دا. أعبُد الله!“

رؤيا 2:12

و أكتِب كَمان لِمَلاك الكَنيسَه الفي بَرْغَامُس: ديل الحاجات البِقولو العِندو السّيف السَّنين العِندو طَرَفين.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

أعمال الرُّسُل 1:20

عَشان مَكتوب في كِتاب المَزامير: خَلّي بيتو يَكون خَربان، و ما تَخَلّي واحِد يَسكُن فيهو. و: خَلّي تاني ياخُد مَحَلّو.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

أفَسُس 6:24

النِّعمَه مَعَ كُل البِحِبّو رَبَّنا يَسُوع المَسيح بِمَحَبَّه ما بِتموت.

فيلِبّي 2:5

خَلّي الفِكر دا بِكون فيكُم، الفِكر الفي المَسيح يَسُوع:

فيلِبّي 2:19

أنا عِندي رَجاء في الرَّب يَسُوع بَرَسِّل ليكُم تِيمُوثَاوُس بَعَد شوَيَه، عَشان أنا كَمان بَكون فَرحان لَمّا أسمَع خَبَر عَنكُم.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

فيلِبّي 3:8

بِالأكتَر، أحسِب كُلّو شي خَسارَه عَلَشان المَعرِفَه البِتفوت عَن كُلّو شي، يَعني مَعرِفَة المَسيح يَسُوع رَبّي. و فِشانّو، أنا خَسَرتَ كُل الحاجات و أحسِبا زي حاجَه خَربانَه عَشان آخُد المَسيح،

فيلِبّي 3:12

أنا ما أخَدتَ دي مِن قَبل، ولّا بِقيت كامِل. و لَكِن أجري طَوّالي عَشان أمسِك دا، الكان السَّبَب المَسيح يَسُوع مَسَكني.

فِلِيمُون 1:1

مِن بُولُس مَحبوس المَسيح يَسُوع و مِن تِيمُوثَاوُس الأخو لِفِلِيمُون حَبيبنا و العامِل مَعانا.