فِلِيمُون 1:6 - كِتاب العَهد الجَّديد مِن الكِتاب المُقَدَّس

⁶ بَصَلّي أن شَرِكَة إيمانَك بِتساعِدكُم عَشان تَعرِفو كُل الخير الفينا بِالمَسيح.

فِلِيمُون 1:6 Referans Kwoze

٢ بُطْرُس 1:8

عَشان إذا عِندَكُم الحاجات دي فيكُم بِالكَترَه، يَعمِلوكُم مُش كَسلانين ولّا بِدون ثِمار في مَعرِفَة رَبَّنا يَسُوع المَسيح.

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

يَعْقُوب 2:17

و كِدا كَمان الإيمان، إذا ما عِندو أعمال، هو مَيِّت في نَفسو.

يَعْقُوب 2:14

شِنو الفايدَه، يا أخواني، إذا واحِد يَقول إنّو عِندو إيمان و لَكِن ما عِندو أعمال؟ الإيمان داك يَقدَر يَخَلِّصو؟

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

تِيطُس 3:14

و خَلّي أهَلنا يِتعَلَّمو أن يَدّو نُفوسُم لِلأعمال الكوَيسَه لِلإحتِياجات الضَّروريَه. و كِدا هُم ما بِعيشو حَياة بِدون فايدَه.

١ كُورِنْثُوس 14:25

و كِدا أسرار قَلبو بِكونو بيّنين. و كِدا بِقَع و يَعبُد الله و يَقول: ”الله بِالحَق بينكُم!“

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 3:1

يا زوجات، كِدا إنتو طيعو رُجالكُم، و إذا كان بَعضُم ما بِطيعُو الكِلمَه، تَربَحوهُم بِدون كِلمَه بِمَشيكُم

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

١ كُورِنْثُوس 16:9

عَشان إنفَتَح لَي باب عَظيم لِلعَمَل النّاجِح. و في عُدوان كَتيرين.

كُولُوسِّي 3:10

و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

مَتَّى 25:16

و هو القِبِل الخُمسُمِيَّة جِنيه مَشى طَوّالي و إشتَرى و تاجَر بيهو، و زادو بِخُمسُمِيَّة جِنيه تاني.