مَرْقُس 9:50 - كِتاب العَهد الجَّديد مِن الكِتاب المُقَدَّس

⁵⁰ المِلِح كوَيس. لَكِن إذا المِلِح يَبقى مَسيخ، كيف تَرَجِّعو ليهو ضوقو؟ خَلّي يَكون ليكُم مِلِح في نُفوسكُم، و يَكون في سَلام بينكُم.“

مَرْقُس 9:50 Referans Kwoze

كُولُوسِّي 4:6

خَلّو كَلامكُم دايماً يَكون بِنِعمَه، زي الأكل الفيهو مِلِح، عَلَشان تَعرِفو كيف تَرُدّو كوَيس عَلى كُلّو واحِد.

رُومِيَه 12:18

إنتو نُفوسكُم أعمِلو كُل البِتَقدَرو عَلَشان تَعيشو بِسَلام مَعَ كُل النّاس.

مَتَّى 5:13

إنتو مِلِح الدُّنيا. و لَكِن إذا المِلِح بِقى مَسيخ، كيف بِكون مالِح تاني؟ ما في فايدَه مِنّو لِأي شي إلّا يَرموهو بَرَّه و النّاس يَدوسوهو.

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

١ تَسَالُونِيكِي 5:13

و نَسألكُم أن تَحتَرِموهم كَتير خَلاص في المَحَبَّه عَلَشان عَمَلُم. عيشو بِالسَّلام بَعضَكُم بَعض.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

١ بُطْرُس 3:8

في الآخِر، كُلُّكُم كونو مُتَّفقين في فِكر، حَنينين بَعضَكُم بَعض، حِبّو زي أخوان، كونو رُحَما و مِتواضِعين.

يَعْقُوب 1:20

عَشان زَعَل الإنسان ما بيَعمِل بِر الله.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

مَرْقُس 9:34

و سَكَتو، عَشان كانو يِتكَلَّمو في السِّكَّه بَعضَهُم مَعَ بَعض، في مِنو هو الأكبَر مِنَّهُم.

مَرْقُس 9:49

عَشان كُلّو واحِد بِتمَلَّح بِالنّار.