مَرْقُس 8:38 - كِتاب العَهد الجَّديد مِن الكِتاب المُقَدَّس

³⁸ الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

مَرْقُس 8:38 Referans Kwoze

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

١ يُوحَنَّا 2:23

كُل البِنكُر الإبن، ما عِندو الأبو كَمان. و البِعتَرِف بِالإبن، عِندو الأبو كَمان.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

مَتَّى 26:64

يَسُوع قال ليهو: ”إنتَ قُلتَ. و كَمان، أقول ليكُم، بَعدين بِتشوفو إبن الإنسان قاعِد عَن يَمين القُدرَه، و جاي عَلى سَحاب السَّما.“

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

مَتَّى 12:39

لَكِن رَدَّ و قال ليهُم: ”ناس الزَّمَن دا البَطّالين و اليَعمِلو الزِّنا يَطلُبو عَلامَه. و لَكِن الله ما بِدّيهُم عَلامَه إلّا عَلامَة يونان النَّبي.

يُوحَنَّا 1:51

و قال ليهو: ”الحَق الحَق أقول ليكُم، بِتشوفو السَّما مَفتوحَه، و مَلائِكَة الله بِطلَعو و بِنزِلو عَلى إبن الإنسان.“

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَتَّى 24:30

و في الوَكِت داك، عَلامَة إبن الإنسان بِتَظهَر في السَّما، و كُلّو قَبايل الدُّنيا بِبكو. و بِشوفو إبن الإنسان جاي عَلى سَحاب السَّما، بِقُوَّه و مَجد عَظيم.

لُوقَا 19:26

بَقول ليكُم: كُلّو واحِد العِندو، يَدُّوهو أكتَر، و الما عِندو، ياخدو مِنّو حَتّى العِندو.

مَتَّى 13:41

إبن الإنسان بِرَسِّل مَلائكَتو، و هُم بِلِمّو مِن مَلَكوتو كُلّو شي البِكون السَّبَب لِخَطيَّه و كُل اليَعمِلو حاجات بَطّالَه،

عِبرانيين 13:13

كِدا، خَلّونا نَمرُق بَرَّه مِن مَحَل الخيام، حامِلين لومو.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

يُوحَنَّا 12:34

و النّاس رَدّو عَليهو: ”نِحنا سِمِعنا مِن القانون، المَسيح يِستَمِر لِلأبَد. كيف إنتَ تَقول لازِم يَرفَعو إبن الإنسان؟ مِنو هو إبن الإنسان دا؟“

يُوحَنَّا 5:27

و أدّاهو سُلطَه أن يَحكُم كَمان، عَشان هو إبن الإنسان.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

مَرْقُس 14:62

و يَسُوع قال: ”أنا هو. و إنتو بِتشوفو إبن الإنسان قاعِد عَن يَمين القُدرَه و جاي في سَحاب السَّما.“

مَتَّى 16:4

ناس زَمَن بَطّال و البيَعمِلو الزِّنا بِطلُبو عَلامَه. و لَكِن ما بِدّوهُم عَلامَه إلّا عَلامَة يونان.“ و هو سابُم و مَشى.

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَرْقُس 8:37

و الزّول بِقدَر يَدّي شِنو فِداء عَن نَفسو؟

مَرْقُس 13:26

في الوَكِت داك، بِشوفو إبن الإنسان جاي في سَحاب بِقُوَّه كَبيرَه و بِمَجد.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

١ تَسَالُونِيكِي 2:19

و رَجاءنا شِنو و فَرَحنا و تاج فَخرِنا قِدّام رَبَّنا يَسُوع لَمّا يَجي؟ مُش إنتو؟

١ تَسَالُونِيكِي 3:13

عَشان يَشَدِّد قُلوبكُم بِدون لوم في القَداسَه قِدّام الله أبونا لَمّا رَبَّنا يَسُوع المَسيح بِجي مَعَ كُلّو قِدِّسِينو.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.