مَرْقُس 6:2 - كِتاب العَهد الجَّديد مِن الكِتاب المُقَدَّس

² و لَمّا كان يوم السَّبِت، إبتَدا يَعَلِّم في بيت الرَّب. و ناس كُتار لَمّا سِمِعوهو، إستَغرَبو و قالو: ”الرّاجِل دا إتعَلَّم كُلّو دا مِن وين؟ شِنو الحِكمَه الأدّوها ليهو؟ حَتّى يَقدَر يَعمِل الأعمال القَوّيَّه دي بِإيدو!

مَرْقُس 6:2 Referans Kwoze

يُوحَنَّا 6:42

و قالو: ”دا ما يَسُوع إبن يُوسِف؟ و نِحنا عارِفين أبوهو و أُمّو؟ و هَسَّع كيف يَقول: أنا نَزَلتا مِن السَّما؟“

يُوحَنَّا 7:15

و اليَهود كانو بِستَغرَبو مِنّو، و قالو: ”مِن وين يَعرِف الكُتُب و هو ما إتعَلَّم؟“

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَتَّى 7:28

و لَمّا يَسُوع خَلَّص الكَلام دا، النّاس إستَغرَبو مِن تَعليمو،

لُوقَا 4:15

و كان يَعَلِّم في بِيوت الرَّب. و كُل النّاس كانو يَمَجِّدوهو.

مَرْقُس 1:39

و مَشى في الجَّليل كُلَّها، و كان يَبَشِّر في بُيوت الرَّب و يَمَرِّق الشّياطين.

مَرْقُس 10:1

و يَسُوع مَرَق، و مَشى لِمَحَل اليَهُودِيَّه و غادي الأُرْدُنّ. و ناس كُتار إتلَمّو ليهو، و كان يَعَلِّمُم كَمان زي عادَتو.

لُوقَا 2:47

و كُل السِمِعوهو إتعَجَّبو مِن فَهمو و رَدّو.