مَرْقُس 4:19 - كِتاب العَهد الجَّديد مِن الكِتاب المُقَدَّس

¹⁹ و لَكِن هُموم الدُّنيا، و غِش الغِنى، و مَحَبَّة حاجات تانيَه تَدخُل و تَخنُق الكِلمَه، و هي بِتكون بِدون ثِمار.

مَرْقُس 4:19 Referans Kwoze

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

فيلِبّي 4:6

ما تِتحَيَّرو في أي شي. لَكِن في كُلّو شي، خَلّي طَلَباتكُم بِتكون مَعروفَه لِلَّه، بِصَلاه و طَلَب مَعَ شُكر.

مَتَّى 19:23

و يَسُوع قال لِتَلاميذو: ”الحَق أنا بَقول ليكُم: صَعَب لِزول غَني أن يَدخُل مَلَكوت السَّما.

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

لُوقَا 10:41

و الرَّب رَدَّ و قال ليها: ”يا مَرْثَا، يا مَرْثَا، إنتي مَشغولَه و بِتفَكِري في حاجات كَتيرَه.

٢ بُطْرُس 1:8

عَشان إذا عِندَكُم الحاجات دي فيكُم بِالكَترَه، يَعمِلوكُم مُش كَسلانين ولّا بِدون ثِمار في مَعرِفَة رَبَّنا يَسُوع المَسيح.

٢ تِيمُوثَاوُس 4:10

عَلَشان دِيمَاس خَلّاني، عَشان هو حَبَّ الدُّنيا الحاضِرَه، و مَشى لِتَسَالُونِيكِي. كِرِيسْكِيس مَشى لِغَلَاطِيَّه، و تِيطُس لِ دَلْمَاطِيَّه.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

مَتَّى 3:10

و هَسَّع دي خَتّو الفاس عَلى عِرق الشَّجَر. كُلّو شَجَرَه الما تَجيب ثِمار سَمِح، بِقطَعوها و بِرموها في النّار.

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

مَرْقُس 4:18

و تانيين، هُم المَزروعين بين الشّوك. ديل هُم اليَسمَعو الكِلمَه،

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.