مَرْقُس 2:12 - كِتاب العَهد الجَّديد مِن الكِتاب المُقَدَّس

¹² و هو قام و طَوّالي شال بِرِشو و مَرَق قِدّام كُلُّهُم. و كُل النّاس إستَغرَبو جِدّاً، و مَجَّدو الله، و قالو: ”ما شُفنا حاجَه زي دي أبَداً!“

مَرْقُس 2:12 Referans Kwoze

مَتَّى 9:33

و بَعَد ما طَلَّع الشّيطان، الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

لُوقَا 7:16

و الخوف مَسَك كُلَّهُم، و هُم مَجَّدو الله و قالو: ”نَبي عَظيم قام في وَسِطنا!“ و ”الله جا عَشان يَساعِد شَعبو.“

أعمال الرُّسُل 4:21

و بَعَد ما هَدَّدوهُم زِيادَه، فَكّوهُم. و هُم ما قِدرو يَلقو كيف يَعمِلو ليهُم حاجَه بَطّالَه بِسَبَب النّاس. عَلَشان كُل النّاس كانو بِمَجِّدو الله عَلى الحَصَل.

يُوحَنَّا 9:32

مِن ما الله خَلَق الأرض، ما سِمِعنا واحِد فَتَح عُيون زول مَولود عَميان.

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

لُوقَا 17:15

و واحِد مِنَّهُم لَمّا شاف إنّو بِقى طَيب، رَجَع يَحمِد الله بِصوت عالي.

لُوقَا 13:13

و هو خَتَّ إيدينو عَليها، و طَوّالي وَقَفَت عَديل و مَجَّدَت الله.

لُوقَا 5:26

و كُلَّهُم إتعَجَّبو و حَمَدو الله، و كانو خايفين جِدّاً و قالو: ”شُفنا حاجات عَجيبَه النَّهار دا.“

مَرْقُس 1:27

و كُل النّاس إستَغرَبو جِدّاً جِدّاً، و إتكَلَّمو مَعَ بَعض و قالو: ”دا شِنو؟ تَعليم جَديد! بِسُلطَه هو يأمُر الأرواح النَّجسَه و هُم بِسمَعوهو.“

مَتَّى 15:31

حَتّى النّاس إستَغرَبو لَمّا شافو النّاس الما بِتكَلَّمو، و النّاس الكانو بِيَمشو بِعَصايَه بِقو طَيبين، و العُرُج بِمشو، و العَميانين بِشوفو. و هُم مَجَّدو الله بِتاع إِسْرَائِيل.

مَتَّى 12:23

و كُل النّاس إستَغرَبو و قالو: ”يِمكِن دا إبن دَاوُد؟“

مَرْقُس 2:11

”أقول ليك، قوم، شيل بِرِشَك و أمشي لِبيتَك.“