مَرْقُس 16:18 - كِتاب العَهد الجَّديد مِن الكِتاب المُقَدَّس

¹⁸ و يَرفَعو دَبايب بِإيديهُم، و إذا يَشرَبو أي شي البِكتُل، ما بِجيب ليهُم عَوَجَه أبَداً. و بِخُتّو إيدينُم عَلى العَيّانين، و بِكونو شُداد.“

مَرْقُس 16:18 Referans Kwoze

لُوقَا 10:19

شوف! أنا أدّيتكُم السُّلطَه تَدوسو الدَّبايب و العَقارِب، و عَلى كُلّو قُدرَة العَدو. و ما في شي يَجرَحكُم.

أعمال الرُّسُل 19:12

حَتّى كانو ياخُدو لِلعَيّانين مَناديل و مَريَلات مِن جِسمو. و هُم بِقو طَيبين مِن أمراضُم، و الأرواح الشَّرّيرَه مَرَقو مِنَّهُم.

أعمال الرُّسُل 4:30

مِد إيدَك عَشان تَسَبِّب الشِّفا و العَلامات و العَجايِب بِإسم إبنَك القُدّوس يَسُوع.“

أعمال الرُّسُل 3:16

و الرّاجِل دا بِقى شَديد بِالإيمان بِإسم يَسُوع. و إنتو بِتشوفو و بِتَعرِفوهو. و الإيمان بِيَسُوع أدّا الرّاجِل دا العافيَه التّامَّه قِدّام كُلُّكُم.

أعمال الرُّسُل 9:34

و بُطْرُس قال ليهو: ”يا إينياس، يَسُوع المَسيح يَشفيك. قوم، و فَرِّش عَنقَرِيبَك.“ و هو قام طَوّالي.

أعمال الرُّسُل 3:12

و لَمّا بُطْرُس شاف دا، قال لِلنّاس: ”يا رُجال إِسْرَائِيل، مالكُم تِستَغرَبو مِن دا؟ و لِشِنو تَعاينو لينا زي نِحنا عَمَلنا الرّاجِل دا يَمشي بِقُوَّتنا ولّا عَشان نِحنا قِدِّيسين؟

مَرْقُس 5:23

و قال: ”بِتّي الصَّغَيرَه قَريبَه مِن الموت. تَعال مِن فَضلَك، و خُت إيدَك عَليها عَشان تَكون طَيبَه، و تَحيى.“

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

١ كُورِنْثُوس 12:9

و لِتاني، إيمان بِنَفس الرّوح، و لِتاني، هَدايا الشِّفا بِالرّوح الواحِد.

أعمال الرُّسُل 4:10

خَلّي دا يَكون مَعروف لِكُلُّكُم و كُلّو ناس إِسْرَائِيل. بِإسم يَسُوع المَسيح النّاصِري، الإنتو صَلَبتوهو، لَكِن الله قَوَّمو مِن بين المَيِّتين، بيهو الرّاجِل دا واقِف قِدّامكُم بِعافيَه تَمام.

أعمال الرُّسُل 4:22

عَشان الرّاجِل البِقي كوَيس بِسَبَب العَلامَه دي، كان عُمرو أكتَر مِن أربَعين سَنَه.