مَرْقُس 13:6 - كِتاب العَهد الجَّديد مِن الكِتاب المُقَدَّس

⁶ ناس كُتار بِجو بِإسمي و بِقولو: أنا هو! و هُم بِغِشّو ناس كَتيرين.

مَرْقُس 13:6 Referans Kwoze

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

يُوحَنَّا 8:24

أنا قُلتَ ليكُم إنتو ماشين تَموتو في خَطاياكُم. عَشان إنتو ما بِتآمِنو إنّي أنا هو، إنتو ماشين تَموتو في خَطاياكُم.“

يُوحَنَّا 5:43

أنا جيت بِإسم أبوي، و إنتو ما بِتَقبَلوني. إذا واحِد تاني يَجيكُم بِإسم نَفسو، بِتَقبَلوهو.

مَتَّى 24:11

و أنبياء كَضّابين كَتيرين بِقومو و يَغِشّو كَتيرين.

مَتَّى 24:5

عَشان ناس كُتار بِجو بِإسمي و يَقولو: أنا هو المَسيح، و يَغِشّو ناس كُتار.

مَرْقُس 13:5

و يَسُوع إبتَدا يَقول ليهُم: ”خَلّو بالكُم عَشان واحِد ما بِغِشّكُم.

مَرْقُس 13:7

و لَمّا تَسمَعو عَن حُروب و خَبَر حُروب، ما تَخافو. لازِم الحاجات دي تَحصَل. لَكِن لِسَّع ما تَكون النِّهايَه.

يُوحَنَّا 8:28

و يَسُوع قال ليهُم: ”لَمّا تَرفَعو إبن الإنسان، في الوَكِت دا بِتَعرِفو إنّي أنا هو، و أنا ما بَعمِل حاجَه بِنَفسي. لَكِن زي ما عَلَّمني أبوي، أنا بَقول الحاجات دي.