مَرْقُس 10:24 - كِتاب العَهد الجَّديد مِن الكِتاب المُقَدَّس

²⁴ و التَّلاميذ إستَغرَبو مِن كَلامو. لَكِن يَسُوع قال ليهُم كَمان: ”يا أولادي، دُخول مَلَكوت الله صَعب جِدّاً!

مَرْقُس 10:24 Referans Kwoze

رؤيا 3:17

عَلَشان إنتَ تَقول: ’أنا غَني، و إتحَصَّلتَ عَلى الغِنى، و ما عِندي إحتِياج لِأي شي.‘ و ما بِتَعرِف إنتَ مَعَذَّب جِدّاً و شَفوق و مِسكين و عَميان و عَريان.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

لُوقَا 16:14

و الفَرّيسيّين سِمِعو دا كُلّو، و هُم كانو بِحِبّو المال، و ضِحِكو عَليهو.

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.

يُوحَنَّا 13:33

يا أولادي، أنا مَعاكُم مُدَّه قِصَيرَه بَعَد دا. إنتو بِتفَتِّشو عَلي. و زي ما أنا قُلتَ لِليَهود، بَقول ليكُم: المَحَل الأنا ماشي ليهو، إنتو ما بِتَقدَرو تَجو.

١ يُوحَنَّا 5:21

يا أولاد، أحفَظو نُفوسكُم مِن الأصنام.

١ يُوحَنَّا 4:4

إنتو مِن الله، يا أولاد، و غَلَبتوهُم. عَشان هو الفيكُم أكبَر مِن الفي الدُّنيا.

غَلَاطِيَّه 4:19

يا أولادي، زي الأُم لَمّا تَلِد، أنا أتعَب نَفس الوَجَع حَتّى المَسيح يِتصَوَر فيكُم.

يُوحَنَّا 21:5

و يَسُوع قال ليهُم: ”يا أولاد، عِندَكُم سَمَك؟“ رَدّو عَليهو: ”لا.“

يُوحَنَّا 6:60

و كَتير مِن تَلاميذو، لَمّا سِمِعو الكَلام دا قالو: ”الكَلام دا صَعب. مِنو يَقدَر يَسمَعو؟“

مَتَّى 19:25

و لَمّا التَّلاميذ سِمِعو الكَلام دا، إستَغرَبو كَتير و قالو: ”كان كِدا، مِنو يَقدَر يَخلَص؟“

مَرْقُس 1:27

و كُل النّاس إستَغرَبو جِدّاً جِدّاً، و إتكَلَّمو مَعَ بَعض و قالو: ”دا شِنو؟ تَعليم جَديد! بِسُلطَه هو يأمُر الأرواح النَّجسَه و هُم بِسمَعوهو.“

مَرْقُس 10:23

و يَسُوع عايَن حَوَليهو و قال لِتَلاميذو: ”كيف بِكون صَعب لِلغَنيين أن يدخُلو مَلَكوت الله!“