مَرْقُس 10:21 - كِتاب العَهد الجَّديد مِن الكِتاب المُقَدَّس

²¹ و يَسُوع عايَن ليهو، و حَبّاهو، و قال: ”ناقصَه ليك حاجَه واحدَه. أمشي، بيع كُلّو مالَك، و أدّيهو لِلمَساكين، و بِكون عِندَك كَنز في السَّما. و تَعال، و أتبَعني.“

مَرْقُس 10:21 Referans Kwoze

رؤيا 2:4

لَكِن أنا عِندي حاجَه عَليك، إنتَ خَلّيت مَحَبَّتَك الكانَت عِندَك في الأوَّل.

لُوقَا 10:42

لَكِن الضَّروري، حاجَه واحدَه. و مَرْيَم إختارَت الجُّزو السَّمِح الما يَاخُدوهو مِنَّها.“

يَعْقُوب 2:10

و الزّول البِحفَظ كُل القانون و يَكَسِّر أمر واحِد، هو بِقى مُذنِب في الكُل.

أعمال الرُّسُل 2:45

و كانو بِبيعو حاجاتُم و بُضاعَتُم و بِقسِموهُم بين كُلُّهُم، لِأي واحِد زي ما هو كان مُحتاج.

لُوقَا 18:22

و لَمّا يَسُوع سِمِع دا، قال ليهو: ”لِسَّع ناقِص ليك حاجَه واحدَه. بيع كُل العِندَك، و قَسِّمو بين المَساكين، و بِكون عِندَك كَنز في السَّما. و تَعال، أتبَعني.“

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

رؤيا 2:20

لَكِن أنا عِندي حاجَه عَليك. إنتَ تَدّي إذن لِلمَرَه إيزابَل البِتقول هي نَبيَّه. و هي تَعَلِّم و تَغِش خَدّاميني حَتّى يَعمِلو الزِّنا و ياكلو مِن الأكل الكان مَضبوح لِلأصنام.

رؤيا 2:14

و لَكِن أنا عِندي حاجات قَليلَه عَليك. إنتَ عِندَك هِناك ناس ماسكين بِتَعليم بَلعام الكان بِعَلِّم بالاق أن يَكون سَبَب لِلخَطيَّه لِبَني إِسْرَائِيل. هو عَلَّمُم أن ياكلو مِن الأكل الكان مَضبوح لِلأصنام و يَعمِلو الزِّنا.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

لُوقَا 12:33

بيعو الحاجات العِندَكُم، و أدّو لِلمَساكين. و أعمِلو ليكُم أكياس الما بِتشَرَّطو، و كَنز في السَّما الما بِتَخلَص، و الحَرامي ما يَقدَر يَقَرِّبو ليهو، و السوس ما ياكلو.

مَرْقُس 8:34

و نادى ليهو النّاس مَعَ تَلاميذو، و قال ليهُم: ”إذا أي واحِد عاوِز يَجي وَراي، خَليهو يَنكِر نَفسو، و يَشيل صَليبو، و يَتبَعني.

لُوقَا 19:41

و لَمّا هو قَرَّب، و شاف أُورُشَلِيم، بَكى عَليها.

لُوقَا 9:23

و قال لِلكُل: ”إذا كان زول داير يَجي وَراي، خَليهو يَنكِر نَفسو و يَشيل صَليبو كُلّو يوم و يَتبَعني.

مَتَّى 19:21

و يَسُوع قال ليهو: ”إذا كان عاوِز تَكون تَمام، أمشي، و بيع مالَك، و أَدِّي القُروش مِنّو لِلمَساكين، و بِكون عِندَك كَنز في السَّما. و تَعال أتبَعني.“

٢ كُورِنْثُوس 12:15

و أنا بِكُلّو فَرَح أصرُف قُروشي و نَفسي فِشان نُفوسكُم. إذا حَبّيتكُم أكتَر، إنتو تَحِبّوني أقَل؟

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

لُوقَا 16:9

و أقول ليكُم، سَوّو ليكُم أصحاب بِمال الظُّلم، عَلَشان إذا ما نَجَحتو، يَقبَلوكُم في الخيام الأبَديَّه.

٢ تِيمُوثَاوُس 3:12

و بِالحَق بِطرُدو كُل العاوزين يَعِيشو في خوف الله في المَسيح يَسُوع.

مَرْقُس 10:22

و هو بِقى ما مَبسوط مِن الكِلمَه دي، و هو مَرَق حَزنان، عَشان كان عِندو أموال كَتيرَه.