مَرْقُس 10:14 - كِتاب العَهد الجَّديد مِن الكِتاب المُقَدَّس

¹⁴ و لَكِن لَمّا يَسُوع شافُم، زِعِل شَديد، و قال ليهُم: ”خَلّو الأولاد بِجو لَي، و ما تَمنَعوهُم. عَشان مَلَكوت الله ليهُم اليَكونو زي الأولاد ديل.

مَرْقُس 10:14 Referans Kwoze

مَتَّى 19:14

لَكِن يَسُوع قال: ”خَلّو الأولاد يَجو لَي، و ما تَمنَعوهُم، عَشان مَلَكوت السَّما لِأولاد زي ديل.“

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

مَتَّى 18:4

اليَخُت نَفسو تِحِت زي الوَلَد دا، هو الأكبَر في مَلَكوت السَّما.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

٢ تِيمُوثَاوُس 3:15

و مِن وَكِت إنتَ طِفل، كُنتَ تَعرِف الكُتُب المُقَدَّسَه البِتَقدَر تَديك فَهم لِلخَلاص بِالإيمان الفي المَسيح يَسُوع.

رؤيا 14:5

و ما لِقو كِضِب في خُشومُم، و هُم بِدون عيب.

٢ تِيمُوثَاوُس 1:5

و أتزَكَّر إيمانَك المُخلِص، السَّكَن في الأوَّل في حَبوبتَك لُوئِيس و أُمَّك أَفْنِيكِي و أنا مِتأكِّد بِسكُن فيك كَمان.

أفَسُس 4:26

أزعَلو و ما تَعمِلو خَطيَّه. ما تَخَلّو زَعلكُم يِستَنّى بَعَد المَغرِب.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ كُورِنْثُوس 7:14

عَشان الرّاجِل الما مؤمِن مُقَدَّس في المَرَه، و المَرَه الما مِآمِنَه مُقَدَّسَه في الرّاجِل. و كان ما كِدا، أولادكُم نَجِسين. لَكِن هَسَّع هُم مُقَدَّسين.

رُومِيَه 11:28

بِخُصوص الإنجيل، هُم عُدوان فِشانكُم. لَكِن بِخُصوص الإختِيار، هُم مَحبوبين فِشان الأبَهات.

رُومِيَه 11:16

إذا بَعَد العَجين البِقَدِّمو زي أوَّل ثِمار هو مُقَدَّس، العَجين كُلّو مُقَدَّس. و إن كان عِرق الشَّجَرَه مُقَدَّس، الفُروع كَمان مُقَدَّسَه.

أعمال الرُّسُل 3:25

و إنتو أولاد الأنبياء و أولاد الإتِّفاق. و الله أدّى أبَهاتنا الإتِّفاق دا. هو قال لِإِبْرَاهِيم: بِأولادَك كُلّو قَبايل الأرض بِكونو مُبارَكين.

أعمال الرُّسُل 2:39

عَشان ليكُم الوَعَد، و لِأولادكُم و لِكُل النّاس البَعيدين، لِكُلُّهُم البِناديهُم الرَّب إلَهنا.“

مَرْقُس 8:33

و يَسُوع إتلَفَت و عايَن لِتَلاميذو، و وَبَّخ بُطْرُس و قال: ”أمشي بَعيد مِنّي، يا الشّيطان! عَشان إنتَ ما تَهتَم بِحاجات الله، لَكِن بِحاجات النّاس.“

مَرْقُس 3:5

و عايَن ليهُم و حَوَليهو بِزَعل، و كان حَزين عَلَشان قُلوبُم قَوّيَّه. و قال لِلرّاجِل: ”مِد إيدَك.“ و هو مَدّاها، و إيدو بِقَت طَيبَه.

مَتَّى 5:3

”مُبارَكين المَساكين بِالرّوح، عَشان ليهُم مَلَكوت السَّما.

مَتَّى 5:10

مُبارَكين المَطرودين عَلَشان البِر، عَشان ليهُم مَلَكوت السَّما.

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.