مَتَّى 9:36 - كِتاب العَهد الجَّديد مِن الكِتاب المُقَدَّس

³⁶ و لَمّا شاف الجُّموع، كان عِندو رَحمَه ليهُم في قَلبو، عَشان كانو تَعبانين و كانو بِدون مُساعَدَه زي خِرفان بِدون راعي.

مَتَّى 9:36 Referans Kwoze

مَرْقُس 6:34

و لَمّا يَسُوع طَلَع، هو شاف ناس كُتار، و حَنَّه عَليهُم، فِشان هُم زي خِرفان بِدون راعي. و بِقى يَعَلِّمُم حاجات كَتيرَه.

مَتَّى 14:14

و لَمّا يَسُوع وِصِل لِلطَّرَف، شاف ناس كُتار. و كان عِندو رَحمَه في قَلبو، و شَفى الكانو عَيّانين.

مَتَّى 15:32

بَعدين يَسُوع نادى تَلاميذو و قال ليهُم: ”أنا عِندي رَحمَه عَلى النّاس، عَشانُم مَعاي تلاتَه أيام هَسَّع، و ما عِندَهُم أكل. و أنا ما عاوِز أرَسِّلُم جَعانين، عَشان يِمكِن يَقَعو في السِّكَّه.“

مَتَّى 15:24

و رَدَّ عَليها و قال: ”أنا مَرَسَّل بَس لِلخِرفان المَوَدَّرين مِن بيت إِسْرَائِيل.“

عِبرانيين 5:2

و هو بِقدَر يَرحَم ديل الما عِندَهُم مَعرِفَه و البِضَيعو السِّكَّه، عَلَشان هو نَفسو عِندو الضُّعف حَوَليهو.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

مَتَّى 10:6

و لَكِن بِدالو، أمشو لِلخِرفان الإتوَدَّرو مِن بيت إِسْرَائِيل.

مَرْقُس 8:2

”أحِن عَلى النّاس، عَشان هُم قاعِدين مَعاي تلاتَه أيام هَسَّع، و ما عِندَهُم أكِل.