مَتَّى 9:35 - كِتاب العَهد الجَّديد مِن الكِتاب المُقَدَّس

³⁵ و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

مَتَّى 9:35 Referans Kwoze

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

مَرْقُس 6:56

و في كُلّو مَحَل الهو جا ليهو، إذا حِلَّه، ولّا مَدينَه، ولّا مَحَلّات بَرَّه المُدُن، خَتّو العَيّانين في السّوق، و طَلَبو مِنّو يَخَلّيهُم يَلمَسو طَرف هِدومو بَس. و كُل اللِّمسوهو بِقو شُداد.

مَتَّى 11:5

العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس.

لُوقَا 13:22

و كان بِمُر في بِلاد و حِلَل يَعَلِّم، و هو ماشي لِأُورُشَلِيم.

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

مَرْقُس 6:6

و هو إستَغرَب عَشان هُم كانو بِدون إيمان. و مَشى مِن حِلَّه لِحِلَّه و عَلَّم النّاس.

مَتَّى 11:1

و لَمّا يَسُوع خِلِص تَعليمو لِتَلاميذو الإتناشَر، مَرَق مِن هِناك عَشان يَعَلِّم و يَبَشِّر في بِلادُم.

مَتَّى 10:1

و نادى تَلاميذو الإتناشَر و أدّاهُم سُلطَه عَشان يَطَلِّعو الأرواح النَّجسَه و يَشفو كُلّو مَرَض و كُلّو عَيى.

مَرْقُس 1:14

و بَعَد ما يُوحَنَّا كان مَحبوس، يَسُوع جا لِلجَّليل، و بَشَّر بِإنجيل الله.