مَتَّى 8:6 - كِتاب العَهد الجَّديد مِن الكِتاب المُقَدَّس

⁶ و قال: ”يا رَب، خَدّامي راقِد في البيت و هو مَفلوج، و عِندو وَجَع شَديد.“

مَتَّى 8:6 Referans Kwoze

كُولُوسِّي 4:1

يا أسياد، أدّو لِلخَدّامين الشّي العَديل، و ما تَعمِلو فارِق بِينُم، عَشان إنتو بِتَعرِفو عِندَكُم سَيِّد في السَّما كَمان.

مَتَّى 4:24

و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

أعمال الرُّسُل 9:33

و لِقى هِناك راجِل مَفلوج إسمو إينياس، كان راقِد عَلى عَنقَرِيبو مِن مُدَّة تَمانيَه سِنين.

فِلِيمُون 1:16

و بَعَد دا ما تَفتَكِر هو زي عَبد لَكِن أحسَن مِن عَبد. هو زي أخو مَحبوب، خُصوصاً لَي، و كَم بِالأكتَر ليك، في الجِّسِم و في الرَّب.

١ تِيمُوثَاوُس 6:2

و العِندَهُم أسياد البِآمِنو، ما لازِم يَدّوهُم أقَل إحتِرام عَلَشان هُم أخوان. لَكِن خَلّوهُم بِخدِموهُم خِدمَه أحسَن عَشان العِندَهُم فايدَه مِن خِدمَتُم مؤمِنين و مَحبوبين. عَلِّم الحاجات دي و أدّيهُم نَصيحَه كِدا.

أعمال الرُّسُل 10:7

و بَعَد ما المَلاك الإتكَلَّم مَعاهو مَرَق، كَرْنِيلِيُوس نادى إتنين مِن خَدّامينو و عَسكَري طَيب مِن الكانو يَخدِموهو دايماً.

أعمال الرُّسُل 8:7

و أرواح نَجِسَه طَلَعو مِن ناس كُتار، و كورَكو كوراك شَديد. و كَتير مِن المَفلوجين و العُرُج لِقو العافيَه.

مَتَّى 9:2

و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك مَغفورَه ليك.“

مَتَّى 8:7

و يَسُوع قال ليهو: ”أنا بَجي و بَشفيهو.“