مَتَّى 8:20 - كِتاب العَهد الجَّديد مِن الكِتاب المُقَدَّس

²⁰ و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

مَتَّى 8:20 Referans Kwoze

لُوقَا 2:7

و وِلدَت وَلَدا البِكر، و لَفَّتو بِالقُماش و نَوَّمَتو في المِذوَد، عَشان ما كان ليهُم مَكان في اللّوكَندا.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

لُوقَا 2:16

و جو بِسُرعَه و لِقو مَرْيَم و يُوسِف، و الطِّفل راقِد في المِذوَد.

لُوقَا 2:12

و دي ليكُم العَلامَه. بِتَلقو طِفل مَلفوف بِقُماش، و هو راقِد في مِذوَد.“

لُوقَا 8:3

و يُوانّا مَرَة خوزا وَكيل هِيرُودُس، و سوزانّا، و تانيين كُتار كانو يَخدِموهو بِمالُم.

مَتَّى 12:32

و اليَقَول كِلمَه بَطّالَه ضِد إبن الإنسان، بِكون مَغفور ليهو. و لَكِن اليَقول ضِد الرّوح القُدُس ما بِكون مَغفور ليهو، ما في الزَّمَن دا ولّا في الزَّمَن الجّاي.

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 17:9

و وَكِت ما هُم نازِلين مِن الجَّبَل، يَسُوع أمَرُم و قال: ”ما تَكَلِّمو أي واحِد عَن الرّؤيَه، لِغايَة ما إبن الإنسان يَقوم مِن بين المَيِّتين.“

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 16:13

و لَمّا يَسُوع جا لِقِسم قَيْصَرِيَّه فِيلِبُّس، سأل تَلاميذو و قال: ”النّاس بِقولو إبن الإنسان مِنو؟“

مَتَّى 12:40

عَشان زي ما كان يونان في بَطن السَّمَك الكَبيرَه تَلاتَة أيام و تلاتَه لِيال، كِدا يَكون إبن الإنسان في جُوَّه الأرض تَلاتَة أيام و تلاتَه لِيال.

مَتَّى 12:8

عَلَشان إبن الإنسان هو رَب السَّبِت.“

مَتَّى 13:37

و رَدَّ عَليهُم و قال: ”البِزرَع التّيراب الكَويس هو إبن الإنسان.

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 9:58

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم عِشاش. لَكِن إبن الإنسان ما عِندو مَكان عَشان يَخُت رَاسو فوقو.“

لُوقَا 12:8

و أقول ليكُم، البِعتَرِف بي قِدّام النّاس، أنا كَمان بَعتَرِف بيهو قِدّام مَلائِكَة الله.

لُوقَا 18:8

و أنا بَقول ليكُم: هو بِدّي جِزا لِعُدوانُم بِسُرعَه. و لَكِن لَمّا إبن الإنسان بِجي، هو بِلقى الإيمان عَلى الأرض؟“

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

يُوحَنَّا 1:51

و قال ليهو: ”الحَق الحَق أقول ليكُم، بِتشوفو السَّما مَفتوحَه، و مَلائِكَة الله بِطلَعو و بِنزِلو عَلى إبن الإنسان.“

يُوحَنَّا 3:13

ما في واحِد طَلَع لِلسَّما إلّا هو النَّزَل مِن السَّما، يَعني إبن الإنسان الفي السَّما.

يُوحَنَّا 3:14

و زي ما مُوسَى رَفَع الدَّبيب في الخَلا، كَمان لازِم يَرفَعو إبن الإنسان.

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

يُوحَنَّا 6:53

يَسُوع قال ليهُم: ”الحَق، الحَق أقول ليكُم، كان ما تاكلو جِسم إبن الإنسان، و تَشرَبو دَمّو، ما بِتكون فيكُم حَياة.

يُوحَنَّا 6:62

كيف بِكون إذا تَشوفو إبن الإنسان يَطلَع لِلمَكان الكان فيهو في الأوَّل؟

يُوحَنَّا 12:34

و النّاس رَدّو عَليهو: ”نِحنا سِمِعنا مِن القانون، المَسيح يِستَمِر لِلأبَد. كيف إنتَ تَقول لازِم يَرفَعو إبن الإنسان؟ مِنو هو إبن الإنسان دا؟“

يُوحَنَّا 13:31

و لَمّا يَهُوذَا مَرَق بَرَّه، يَسُوع قال: ”هَسَّع دي، إبن الإنسان إتمَجَّد، و الله إتمَجَّد فيهو.

أعمال الرُّسُل 7:56

و قال: ”شوفو، أنا بَشوف السَّما مَفتوحَه، و إبن الإنسان واقِف عَن يَمين الله.“