مَتَّى 7:15 - كِتاب العَهد الجَّديد مِن الكِتاب المُقَدَّس

¹⁵ خَلّو بالكُم مِن الأنبياء الكَضّابين، البِجوكُم بِهِدوم الخِرفان، و لَكِنَّهُم مِن جُوَّه مَرافعين جَعانين جِدّاً.

مَتَّى 7:15 Referans Kwoze

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

مَتَّى 24:11

و أنبياء كَضّابين كَتيرين بِقومو و يَغِشّو كَتيرين.

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

٢ بُطْرُس 3:17

و عَلَشان كِدا، إنتو، يا مَحبوبين، عارِفين دا مِن قُبّال، أحرِسو عَشان غَلَط النّاس الما يَحفَظو القانون ما يَقودكُم و إنتو تَقَعو مِن مَحَلّكُم الثّابِت.

لُوقَا 6:26

مُصيبَه ليكُم، إذا كُل النّاس يَقولو فيكُم كَلام كوَيس، عَشان أبَهاتُم عَمَلو كِدا بِالأنبياء الكَضّابين.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

٢ تِيمُوثَاوُس 4:3

عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

فيلِبّي 3:2

خَلّو بالكُم مِن الكِلاب. خَلّو بالكُم مِن اليَعمِلو الشَّر. خَلّو بالكُم مِن اليَقطَعو الجِسم.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

رؤيا 16:13

و شُفتَ تلاتَه أرواح نَجِسَه مَنظَرُم زي قَعونجَه. و هُم طَلَعو مِن خَشم التّنين و مِن خَشم الوَحَش و مِن خَشم النَّبي الكَضّاب.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

أعمال الرُّسُل 13:40

أحرِسو، عَشان القالو في الأنبياء ما بِجي ليكُم:

يُوحَنَّا 10:12

و لَكِن المِأجِّر، الهو مُش الرّاعي، و الخِرفان مُش بِتوعو، لَمّا يَشوف المَرفَعين جاي، هو يَسيب الخِرفان و يَهرَب. و المَرفَعين يَمسِك الخِرفان و يَفَرتِكُم.

مَتَّى 16:11

كيف ما تَفهَمو أنا ما كَلَّمتَكُم في خُصوص العيش؟ لَكِن خَلّو بالكُم مِن خَميرَة الفَرِّيسِيِّين و الصَّدّوقيين.“

مَتَّى 16:6

و يَسُوع قال ليهُم: ”خَلّو بالكُم و أحرِسو مِن خَميرَة الفَرِّيسِيِّين.“

مَتَّى 10:17

لَكِن خَلّو بالكُم مِن النّاس، عَشانُم بِسَلِّموكُم لِلمَجالِس، و بِجلِدوكُم في بِيوت الرَّب بِتوعُم،

رؤيا 17:6

و شُفتَ المَرَه كانَت سَكرانَه مِن دَم القِدِّسين و مِن دَم شاهِدين يَسُوع. و لَمّا شُفتَها، كُنتَ مُستَغرَب جِدّاً.

أعمال الرُّسُل 13:6

و لَمّا سافَرو في الجَّزيرَه كُلَّها لِغايَة بافوس، لِقو راجِل يَهودي ساحِر و نَبي كَضّاب، إسمو باريَشوع.

مَتَّى 7:14

عَشان الباب ضَيِّق و السِّكَّه صَعبَه البِسوقو لِلحَياة، و هُم البِلقوها قَليلين.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.