مَتَّى 6:2 - كِتاب العَهد الجَّديد مِن الكِتاب المُقَدَّس

² و كِدا، لَمّا تَدّي لِلمَساكين، ما تَضرُب قِدَّامَك بِالبوق زي ما يَعمِلو المُنافِقين في بِيوت الرَّب و في السِّكَك، عَشان النّاس بِشكُروكُم. بِالحَق أقول ليكُم، هُم اَخَدو الأُجرَه بِتاعَتُم.

مَتَّى 6:2 Referans Kwoze

مَتَّى 6:5

و لَمّا تَصَلّو، ما تَكونو زي المُنافِقين، عَلَشان هُم بِحِبّو يَصَلّو واقفين في بِيوت الرَّب و في مَحَل فاضي جَمب السِّكَك عَشان النّاس يَشوفوهُم. بِالحَق أقول ليكُم، هُم اَخَدو الأُجرَه بِتاعَتُم.

مَتَّى 6:16

و لَمّا تَصومو، ما تَوَرّو نُفوسكُم زي ناس تَعبانين، زي ما يَعمِلو المُنافِقين، عَشانُم بِغَيِّرو وَشُّم عَشان النّاس بِشوفو إنَّهُم يَصومو. بِالحَق أقول ليكُم، عِندَهُم أُجرَتُم.

يُوحَنَّا 5:41

أنا ما بَقبَل مَجد مِن النّاس.

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

لُوقَا 20:46

”خَلّو بالكُم مِن مُعَلِّمين القانون البِحِبّو يَمشو لابسين جَلّابيَّه، و عاوزين السَّلامات في السّوق، و مَحَلّات الإحتِرام في بُيوت الرَّب، و مَحَلّات الإحتِرام في العَزومَه.

يُوحَنَّا 7:18

البِتكَلَّم مِن نَفسو بِطلُب مَجد نَفسو. لَكِن البِطلُب المَجد حَق الرَّسَّلو، هو أمين، و ما فيهو غِش.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.

غَلَاطِيَّه 2:10

هُم طَلَبو مِنَّنا بَس نِزَكَّر المَساكين. و دا بِزاتو كُنتَ مُستَعِد أسَوّيهو.

أعمال الرُّسُل 10:4

و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

أعمال الرُّسُل 24:17

و بَعَد سِنين كَتيرَه، جيت عَشان أجيب هَدايا لِأُمَّتي و أقَدِّم تَقدِمات.

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

أعمال الرُّسُل 9:36

و كانَت في يَافَا تِلمِيذَه إسِما طابيثا، و مَعناهو غَزالَه. و هي كانَت مَليانَه بِالأعمال الطَّيبَه، و كانَت بِتساعِد المَساكين.

يُوحَنَّا 13:29

عَلَشان يَهُوذَا كان عِندو الصَّندوق، بَعض مِنَّهُم فَكَّرو إنّو يَسُوع قال ليهو يَشتَري الحاجات الهُم عاوزين لِلعيد، ولّا يَدّي شي لِلمَساكين.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

لُوقَا 6:42

و كيف تَقدَر تَقول لِأخوك: يا أخي، خَلّيني أطَلِّع الشّي الصَّغَير الفي عينَك، و إنتَ ما بِتشوف الشّي الكَبير الفي عينَك؟ يا مُنافَق! في الأوَّل طَلِّع الشّي الكَبير مِن عينَك، و بَعدين تَقدَر تَشوف كوَيس عَشان تَطَلِّع الشّي الصَّغَير مِن عين أخوك.

مَرْقُس 12:39

و الكَراسي الأوّلانيّن في بُيوت الرَّب، و مَحَلّات المُحتَرِمَه في العَزومات.

فِلِيمُون 1:7

عَشان عِندَنا فَرَح كَتير و تَعزيَه مِن مَحَبَّتَك. عَلَشانَك، يا أخوّي، أدّيت راحَه لِقُلوب القِدِّسين.

١ تَسَالُونِيكِي 2:6

و لَمّا كان مُمكِن لينا ناخُد سُلطَة رُسُل المَسيح، ما طَلَبنا شُكر مِن النّاس، ولّا مِنَّكُم ولّا مِن التّانيين.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

لُوقَا 13:15

لَكِن الرَّب رَدَّ عَليهو و قال: ”يا مُنافِقين، ما كُلّو واحِد مِنَّكُم في السَّبِت بِفِك تورو ولّا حُمارو مِن الزَّريبَه، و يَسوقو لِلمويَه عَشان يَشرَب؟

لُوقَا 12:56

يا مُنافِقين، إنتو تَقدَرو تَعرِفو كُلّو عَن الأرض و السَّما، و تَقولو شِنو البِحصَل، و كيف ما تَعرِفو مَعنى الزَّمَن دا؟

لُوقَا 12:33

بيعو الحاجات العِندَكُم، و أدّو لِلمَساكين. و أعمِلو ليكُم أكياس الما بِتشَرَّطو، و كَنز في السَّما الما بِتَخلَص، و الحَرامي ما يَقدَر يَقَرِّبو ليهو، و السوس ما ياكلو.

لُوقَا 11:43

مُصيبَه ليكُم، يا فَرّيسيِّين. عَشان تَحِبّو المَحَلّات الأحسَن في بِيوت الرَّب، و السَّلام في السّوق.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

لُوقَا 6:24

و لَكِن، مُصيبَه ليكُم، يا غَنيين، عَشان أخَدتو راحَتكُم.

مَرْقُس 7:6

و قال ليهُم: ”نُبُوَّة إِشَعْيَاء كانَت مَظبوطَه لَمّا إتنَبّأ عَنكُم، إنتو المُنافِقين، زي ما مَكتوب: النّاس ديل يَحتَرِموني بِخُشومُم، و لَكِن قُلوبُم بَعيدين مِنّي.

مَتَّى 24:51

و هو يَجلِدو شَديد، و يَخُتّو مَعَ المُنافِقين. هِناك بِكون البِكى و عَض السِّنون.

مَتَّى 23:6

و بِحِبّو المَحَل الشَّريف في العَزومَه، و الكَراسي الشَّريفَه في بُيوت الرَّب،

مَتَّى 22:18

لَكِن يَسُوع عِرِف فِكرُم البَطّال، و قال: ”يا مُنافِقين، لِشِنو تَجَرِّبوني؟

مَتَّى 16:3

و في الصَّباح تَقولو: هَبوب بِتَجي، عَشان السَّما حَمرَه و الواطَه ضُلُمَّه. إنتو تَعرِفو كيف تَفهَمو وَش السَّما، لَكِن ما بِتَقدَرو تَفهَمو عَلامات الزَّمَن.

مَتَّى 15:7

يا مُنافِقين، إِشَعْيَاء إتنَبّأ تَمام عَنكُم لَمّا قال:

مَتَّى 7:5

يا مُنافَق، في الأوَّل طَلِّع الخَشَبَه الكَبيرَه مِن عينَك، و بَعدين بِتشوف كوَيس كيف تَطَلِّع الحِتَّه الصَّغَيرَه مِن عين أخوك.

مَتَّى 5:18

بِالحَق أنا أقول ليكُم، لِغايَة ما تَفوت السَّما و الأرض، ما يَفوت حَرف واحِد ولّا نُقطَه واحدَه مِن القانون لِغايَة ما الكُل بِتِم.

مَتَّى 6:3

و لَكِن إنتَ لَمّا تَدّي حاجَه لِلمَساكين، ما تَخَلّي شِمالَك تَعرِف الشُّغل اليَمينَك بِتَعمِل،

مَتَّى 23:5

كُلّو شي اليَعمِلوهو، يَعمِلوهو عَشان النّاس يَشوفوهُم. و يَلبَسو عَلامَه عَريضَه في راسُم مَكتوبَه فوقا كِلمات الله. و يَعمِلو طَرَف عَريض عَلى هِدُومُم.

١ كُورِنْثُوس 13:3

و إذا أَدِّي كُل العِندي لِلمَساكين، و سَلَّمتَ جِسمي عَشان يَحرَقوهو، و لَكِن ما عِندي مَحَبَّه، ما في فايدَه لَي.